პუტინმა ძალიან ღრმად შეტოპა, ამისთვის მას მოუწევს პასუხისგება

პუტინმა ძალიან ღრმად შეტოპა, ამისთვის მას მოუწევს პასუხისგება - ჰილარი კლინტონი

მსოფლიო - 11:46, 18 Jul, 2014

4395

ევროპულმა ქვეყნებმა დროა გააგებინონ რუსეთის ფედერაციის მეთაურს ვლადიმერ პუტინს, რომ მან უკვე ღრმად შეტოპა და რომ უკრაინაში რუსეთის აგრესიაზე თვალის დახუჭვას არ აპირებენ.

ამის შესახებ კლინტონმა ,,PBS“-ს ეთერში განაცხადა.

,,თუ არის მტკიცებულებები ამ მოვლენებთან რუსეთის კავშირის, ამან უნდა უბიძგოს ევროპას, გააკეთოს უფრო მეტი, მინიმუმ სამი მიმართულებით. პირველი რიგში, გააძლიეროს თავის სანქციები და აგრძნობინოს და ნათლად გააგებინოს, რომ მას ამის საფასურის გადახდა მოუწევს. მეორე - დაუყოვნებლივ დააჩქარონ სამუშაოები გაზპრომის ალტერნატივის მიმართულებით და ამის შესახებ საჯაროდ განაცხადონ. თქვენ გესმით, რომ რუსეთმა ჯერ კიდევ ვერ მოახდინა თავისი ეკონომიკის დივერსიფიცირება?! ის მთლიანად დამოკიდებულია ბუნებრივ რესურსებზე, პირველ რიგში გაზზე და ნავთობზე! და მესამე - უფრო მეტი აკეთონ ჩვენთან პარტნიორობაში უკრაინის მხარდასაჭერად“,- განაცხადა კლინტონმა.

აშშ-ს ყოფილმა სახელმწიფო მდივანმა გააკეთა მოწოდება, რომ საჭიროა უკრაინისთვის ღია სამხედრო მხარდაჭერა მისი არმიისა და საზღვრების გასაძლიერებლად.