უკრაინის შინაგან საქმეთა მინისტრის თანაშემწე სოციალური ქსელის მეშვეობით ბოინგ - 777-ის ჩამოვარდნის შედეგად გარდაცვლილი ჩვილის შემზარავ ფოტოს ავრცელებს.

„დიდხანს ვფიქრობდი გამევრცელებინა თუ არა ეს ფოტო, მაგრამ მაინც გადავწყვიტე, რომ გავავრცელო! მთელმა მსოფლიომ გაიგოს სადამდე მიგვიყვანა აგრესორის დაშოშმინების პოლიტიკამ. ჩვენ არ ვიცით ამ ბავშვის ეროვნება და სახელი. შესაძლოა ის ნიდრელანდებიდანაა, ან მალაიზიიდან, შესაძლოა აშშ-დან. ვერავინ ვერ შეძლებს წარმოიდგინოს რა საშინელების გადატანა მოუწია მას რამდენიმე კილომეტრის სიმაღლიდან ვარდნის დროს. გვქონდეს იმედი იმისა, რომ მას კატასტროფის დროს დედის მკლავებში ეძინა და არაფერი გაუგია. მისი სიკვდილი შენს სინდისზეა - პუტინ და შენს მიერ გამოზრდილი ტერორისტების სინდისზე, რომლებიც ფეხქვეშ თელენ მშვიდობიანი უკრაინის მიწებს! წყეულიმც იყვა საუკუნოდ!“, - წერს გერაშენკო.

ანანო კვაჭანტირაძე