ბოინგ-777-ის ჩამოგდებას საერთაშორისო თანამეგობრობა ეხმაურება. მომხდარს საშინელი ტრაგედია უწოდა პრეზიდენტმა ბარაკ ობამამ. მან გამოძიების საჭიროებაზე გაამახვილა ყურადრება. ობამამ ავია კატასტროფის შესახებ ინფორმაცია პირადად ვლადიმერ პუტინისგანაც მიიღო. სატელეფონო საუბარში უკრაინის კრიზისის დასრულებასა და მალაიზიური თვითმფრინავის ტრაგიკულ შემთხვევაზე ისაუბრეს.

„მსოფლი თვალყურს ადევნებს უკრაინა-რუსეთის საზღვარზე ჩამოვარდნილი სამგზავრო ლაინერის ირგვლივ განვითარებულ მოვლენებს, ეს საშინელი ტრაგედიაა, ჩვენი უპირველესი მიზანია, გავარკვიოთ, იყვნენ თუ არა ბორტზე აშშ-ს მოქალაქეები, ჩემი ეროვნული უშიშროების ჯგუფი მუდმივად ეკონტაქტება უკრაინის მთავრობას, აშშ მზად არის გასწიოს ყველანაირი დახმარება, იმის დასადგენად თუ რა მოხდა“, - განაცხადა ბარაკ ობამამ.

შეერთებული შტატებიდან ვიცე-პრეზიდენტ ჯო ბაიდენის ინიციატივით უკრაინაში უახლოეს საათებში გაემგზავრებიან ექსპერტები, რომლებიც კატასტროფის დეტალებს ადგილზე შეისწავლიან.

„ამ ტრაგიკულ ფაქტთან დაკავშრებით ეროვნული უშიშროების ჯგუფთან ერთად ვმუშაობ, ცოტა ხნის წინ ტელეფონით ვესაუბრე პრეზიდენტ პოროშენკოს, მე მას სხვადასხვა ექსპერტებით დახმარება შევთავაზე, მან ჩემი შეტავაზება მიიღო და ექსპერტთა ჯგუფი მალე ჩავა უკრაინაში“, - განაცხადა ჯო ბაიდენმა.

უკრაინასთან მუდმივ კონტაქტშია შეერთებული შტატების თითქმის ყველა უწყება, სენატის დახურული სესიის შემდეგ სენატორმა ჯონ მაკკეინმა განაცხადა, რომ ავია კატასტროფის უკან, სავარაუდოდ უკრაინელი სეპარატისტები დგანან, რომლებიც იარაღით რუსეთიდან მარაგდებიან.

საერთაშორისო გამოძიების დაწყებას მოითხოვს დიდი ბრიტანეთი:

„შოკირებული ვარ ამ ინციდენტის გამო, სამძიმარს ვუცხადებ იმ ოჯახებს და ხლობლებს, ვინც მეგობარი და ოჯახის წევრი დაკარგა ამ ტრაგედიის შედეგად, ჩვენ უნდა გავიგოთ რა მოხდა, ამისთვის საერთაშორისო გამოძიების ჩატარებაა აუცილებელი, რომელსაც გაერომ უნდა უხელმძღვანელოს“, - განაცხადა ფილიპ ჰამონდმა.

ამ აზრს იზიარებს გაერო-ს გენერალური მდივანიც. ამ მიზნით დღეს უშიშროების საბჭოს საგანგებო სხდომაა დაგეგმილი.

„გაეროს საერთაშორისო სამოქალაქო ავიაციასთან ერთად მუდმოვად ინფორმირებული ვარ ახალი ამბებით ავიაკატასტროფასთან დაკავშირებით, ფაქია, რომ უნდა ცატარდეს გამჭვირვალე საერთაშორისო გამოძიება. მწუხარებას გამოვთქვამ იმ ოჯახების მიმართ, ვინც ძვირფასი ადამიანები დაკარგა“, - განაცხადა პან გი მუნმა.

წუხელ, ავიალაინერზე დაღუპულებს გლოვობდნენ ამსტერდამში და ჰოლანდიის საელჩოსთან კიევში.

ანო თორელი