უკრანაში მალაიზიური ავიალაინერის კატასტროფასთან დაკავშირებით უკრაინის უშიშროების სამსახური სეპარატისტებს შორის სატელეფონო საუბრის ჩანაწერებს ავრცელებს.

სეპარატისტები ერთმანეთს ჩამოგდებული თვითმფრინავის შესახებ ინფორმაციას აწვდიან. საუბრით ირკვევა, რომ სეპარატისტებს ბორტზე იარაღის პოვნის იმედი ჰქონდა, თუმცა, ეს არ გამართლდა.

უკრაინული მხარის შეხედულებებს იზიარებს ამერიკული მხარეც. დასავლური მედია ამერიკულ დაზვერვაზე დაყრდნობით წერს, რომ თვითმფრინავი სარაკეტო დარტყმის შემდეგ არის ჩამოგდებული.

ამ დრომდე ეძებენ შემთხვევის ადგილზე შავ ყუთს, თუმცა, ერთერთი ვერსიით იგი სეპარატისტებმა იპოვეს და მოსკოვში, ექსპერტიზაზეა გაგზავნილი.

უკრაინაში მალაიზიური ავიალაინერის კატასტროფას ტერაქტად აფასებს უკრაინის პრეზიდენტი:

„დღევანდელმა ტრაგედიამ დაამტკიცა, რომ ტერორიზმი გლობალურ ხასიათს ატარებს, რუსული აგრესია უკრაინის მიმართ არის არა მხოლოდ ჩვენი პრობლემა, არამედ საფრტხე მსოფლიოსთვის, ამ ფაქტს ყველა ერთხმად უნდა გამოეხმაუროს“, - განაცხადა პოროშენკომ.

ვლადიმერ პუტინმა კი ტრაგედიასთან დაკავშრებით გაკეთებულ პირველ კომენტარში განაცხადა, რომ ინციდენტის მიზეზი საომარი მოქმედებებისწარმოებაა და მასზე პასუხს ის ქვეყანა აგებს, რომლის ტერიტორიაზეც ჩამოვარდა თვითმფრინავი:

„მინდა ხაზი გავუსვა იმას, რომ ეს ტრაგედია რ მოხდებოდა, რომ არა საომარი მოქმედებების გაგრძელება უკრაინის სამხრეთ-აღმოსავლეთ ტერიტორიაზე, რა თქმა უნდა პასუხისმგებელი ის ქვეყანაა, რომლის ტერიტოროიაზეც ეს ტრაგედია მოხდა, მე მოვუწოდებ რუსეთის ფედერაციის მთავრობას მაქსიმალურად ჩაერთოს და დაეხმაროს გამოძიებას, რათა ყველამ გაიგოს ტრაგედიის მიზეზი“, - განაცხადა ვლადიმერ პუტინმა.

მალაიზიური მხარე ტრაგედიის მიზეზებზე ამ დრომდე არს აუბრობს. თვითმფრინავის ჩამოდგების ვერსიის დადასტურების შემთხვევაში, მალაიზიის პრემიერმინისტრი დამნაშავეების დასჯას მოიტხოვს.

თვითმფრინავის ჩამოგდების შედეგად 295 ადამიანი გარდაიცვალა, მათგან 154 ნიდერლანდების მოქალაქეა, 27 ავსტრალიისა და 23 მალაიზიის. ასევე ვრცელდება გერმანიის, აშშ-ს და რამდენიმე ევროპის სხვადასხვა ქვეყნის მოქალაქის გარდაცვალების შესახებ.

ანო თორელი