კიწმარიშვილის ოჯახის ადვოკატი თვითმკვლელობის ვერსიას არ ეთანხმება

სამართალი - 22:38, 17 Jul, 2014

3102

ეროსი კიწმარიშვილი ოჯახის ადვოკატი გაგი მოსიაშვილი კიწმარიშვილის გარდაცვალების საქმეში თვითმკვლელობის ვერსიას არ ეთანხმება. როგორც ტელეკომპანია „მაესტროს“ ეთერში სტუმრობისას მოსიაშვილმა განაცხადა, კარგი იქნებოდა თუ გამოძიება აღნიშნულ საქმეს თვითმკვლელობის ნაცვლად სხვა კვალიფიკაციას მისცემდა. მოსიაშვილის თქმით, არსებობს რამდენიმე გარემოება რაც მიუთითებს იმაზე, რომ ეროსი კიწმარიშვილი თავის მოკვლას არ აპირებდა.
„მისმა თანაგუნდელებმა ისაუბრეს, რომ ისინი ეროსისთან შეხვედრას აპირებდნენ. მას ჰქონდა დღის წესრიგი დაგეგმილი. ასევე, ავტომობილი, რომლითაც ის გადაადგილებას აპირებდა, მომზადებული იყო დასაქოქად. რაც შეეხება გავრცელებულ კადრებს, სადაც ეროსი პიჟაკის გარეშეა გადაღებული, ხოლო შემთხვევის დროს მას პიჟაკი აცვია, ეს შესაძლებელია. არ არის გამორიცხული, რომ პიჟაკი ავტომობილში ჰქონოდა. თუმცა მას ღვედი ჰქონდა შეკრული, ანთებული იყო ავტომობილის ფარები ანუ აპირებდა ავტომობილით გადაადგილებას. თუმცა ეს ვერ შეძლო. ამ ეტაპზე გამოძიება მიმდინარეობს. ამ წუთას კონკრეტული პასუხი არ არსებობს. ამ დროისთვის, დადგენილი არ არის თუ დროის რა მონაკვეთში მოხდა პირის გარდაცვალება“, - აცხადებს გაგა მოსიაშვილი.

მისი ინფორმაციით, არსებობს ვიდეო-მასალები, რომელსაც გამოძიება კიწმარიშვილის გარდაცვალების საქმეში იყენებს.

„რაც შეეხება სათვალთვალო კამერის შემობრუნების ფაქტს, არსებობს ვერსიები მუშაობდა თუ არა ეს კამერა, რატომ არის შემობრუნებული, მაგრამ ამაზე პასუხი გამოძიებამ უნდა გასცეს. დაცვაც ცდილობს გარკვეული ინფორმაციის მოპოვებას. ვერ ვიტყვუ, რომ ეს კონკრეტულმა პიროვნებამ სპეცილაურად გააკეთა. ჩემი ინფორმაციით, არსებობს ვიდეო მასალები, რმელიც აქვს გამოძიებას. იმედს ვიტოვებ, რომ თანამშრომლბა დაცვის მხარესა და გამოძიებას შორის გაგრძელდება და ყველა კითხვას პასუხი გაეცემა“, - განაცხადა გაგა მოსიაშვილმა.