უკრაინაში ბოინგ 777 ჩამოაგდეს - დაღუპულია 300 ადამიანი

მსოფლიო - 19:49, 17 Jul, 2014

9509

ბოიონგ-777 დონეცკის ოლქში შახტიორსკის რაიონში ჩამოვარდა. ოპერატიული ჯგუფის მონაცემებით, მალაიზიის ავიახაზების თვითმფრინავის კავშირი კიევთან 16:20 საათზე გაწყდა. ლაინერი ასრულებდა რეისს კუალა-ლუმპუ-ამსტერდამი. უკრაინელი ძალოვნები ანტიტერორისტული ოპერაციის ჯგუფებიდან არ ფლობენ არსებულ რაიონში ჰაერსაწინააღმდეგო თავდაცვის სისტემებს, თუმცა ამ სისტემებით მუდმივად სარგებლობენ პრორუსული დაჯგუფებები და რუსეთის საჰაერო ძალების ქვედანაყოფები. ამ ინფორმაციას ადასტურებს შს მინისტრის თანაშემწე ანტონ გერაშენკო, რომელიც აცხადებს, რომ ,,სულ ცოტა ხნის წინ ტორეზოში ტერორისტების მიერ იქნა ჩამოგდებული სამოქალაქო თვითმფრინავი, რომელიც ასრულებდა რეისს კუალა-ლუმპუ-ამსტერდამი, სამოქალაქო ლაინერი ჩამოგდებულია სულ რამდენიმე ხნის წინ პუტინის მიერ ტერორისტებისთვის გადაცემული სარაკეტო კომპლექს ,,ბუკ“ის მიერ. დღეს დილით, იქნა დაფიქსირებული გარკვეული ჯგუფების მიერ აღნიშნული დანადგარებით გადაადგილება ტორეზოდან სნეჟნოეს მიმართულებით. თვითმფრინავი მიფრინავდა 10 ათასი მეტრის სიმაღლეზე, დაღუპულია 285 მოქალაქე და ეკიპაჟის 15 წევრი. პუტინისა და მისი ტერორისტების ცინიზმს საზღვარი არ აქვს“, - წერს გერაშენკო.

მოგვიანებით ინფორმაციას ავრცელებს უკრაინის ეროვნული უშიშროების საბჭო. უკრაინა არ ფლობს სამხედრო ტექნიკას, რომელსაც შესწევს ძალა ამხელა სიმაღლიდან ჩამოაგდოს თვთმფრინავი. ასეთი შესაძლებლობის მქონე ტექნიკა არის რუსული წარმოების ,,ბუკი“, რომელიც სულ ცოტა ხნის წინ გავრცელებული ინფორმაციით იქნა შემოტანილი უკრაინის ტერიტორიაზე რუსეთის მხრიდან. გარდა ამისა, არსებობს ვიდეო მტკიცებულება, სადაც ჩანს კოლონა ლუგანსკიში მოცემული ტექნიკის გადაადგილებით.