თავდაცვის ყოფილი მინისტრის ბაჩო ახალაიას განცხადებით მისი ადვოკატის და ოჯახის წევრების მიმართ მუქარა და ზეწოლა მიმდინარეობს. ამის შესახებ ახალაიამ საქალაქო სასამართლოში ე.წ. ნავთლუღის საქმის განხილვისას განაცხადა.

„მე სრულებით არ მადარდებს ჩემი ოჯახის მდგომარეობა, რადგან ნებისემირი მუქარა, ამ ჭიანჭველების მხრიდან, მხოლოდ მუქარაა და ვიცი, რომ ამის იქით ვერ წავლენ. ამ ხალხს კიდევ ერთხელ უნდა გაუმეორო, რომ ეს ქვეყანა არ არის 90-იანი წლის რუსეთი და 90-იანი წლის ბიძინა ივანიშვილის აზროვნება... აი ეს არის, ის პოლიტიკურად ჩასარეცხი ხალხი, რომელის საქართველომ ვერ ჩარეცხა. ესენი არიან ის მუმიები, რომლებიც აღდგნენ 90-იანი წლიდან და გვასწალინ ჭკუას...ყველამ ვიცოთ კანონიერი ქურდების შესახებ და სანამ კანონი არ მივიღეთ, ამის შესახებ არაფერი არ ხდებოდა. ეხლა ყველამ ვიცით მაფიოზების შესახებ, პოლიტიკური მაფიოზების შესახებ. უნდა მივიღოთ კანონი პოლიტიკური მაფიის შესახებ, რომლის ქვეშაც ექცევა ბიძინა ივანიშვილი“, - განაცხადა ახალაიამ.

აღნიშნული განცხადების შემდეგ ბაჩო ახალაიამ სასამართლო პროცესი დატოვა. საქალაქო სასამართლოში ე.წ. ნავთლუღის სპეცოპერაციის საქმეზე ბაჩო ახალაიას პროცესი მიმდინარეობს. დღევანდელ პროცესზე ორ მოწმეს ბრალდების მხარე წამროადგენს. როგორც პროკურატურაში აცხადებენ, მომწეები მხარეებს 2006-2007 წლებში საპატიმროებში არსებულ ვითარებაზე ინფორმაციას მიაწვდიან

ნინო დათაშვილი