ობამას ახალი სანქციები რუსეთს

მსოფლიო - 10:13, 17 Jul, 2014

1852

ამერიკის შეერთებული შტატების პრეზიდენტმა ბარაკ ობამამ რუსეთის წინააღმდეგ ახალი სანქციები დაამტკიცა.

ობამა აცხადებს, რომ დაიბლოკება რამდენიმე მნიშვნელოვანი რუსული ბანკი და ენერგეტიკული კომპანია. ასევე შეიარაღების სფეროში რიგი რუსული კომპანიების აქტივები გაიყინება.

აშშ-ის ფინანსთა სამინისტროს სანქციების სიაში მოხვდნენ რუსეთის პარლამენტის ქვედა პალატის ვიცე-სპიკერი სერგეი ნევეროვი, რუსეთის პრეზიდენტის თანაშემწე იგორ შეგოლიევი, ასევე ყირიმის საკითხებში ფედერალური მინისტრი ოლეგ საველიოვი.

სიაში აღმოჩნდნენ კორპორაცია “Алмаз-Антей” და კონცერნი “Калашников”, “Ижмаш”, “Базальт”, “Уралвагонзавод”, კონცერნი “Радиоэлектронные технологии”, “Созвездие”, ასევე “Новатэк”, “Роснефть”, “ВЭБ”, “Газпромбанк”.

„დავამტკიცე ახალი სანქციები რუსი კომპანიებისა და საფინანსო ინსტიტუტების წინააღმდეგ, მკაფიოდ ვიმეორებდი, რომ რუსეთს უნდა მოეხდინა გავლენა სეპარატისტებზე, რათა მათ ტყვეები გაეთავისუფლებინათ, უნდა შეეწყვიტა იარაღის და “ბოევიკების” ნაკადი, მხარი უნდა დაეჭირა ცეცხლის შეწყვეტისთვის და საერთაშორისო მოლაპარაკებებს შეერთებოდა. მე ეს მკაფიოდ ვუთხარი პუტინს, ასევე უთხრეს ჩვენმა ევროპელმა პარტნიორებმა”, - განაცხადა ობამამ და დასძინა, რომ ყველა ეს ქმედება მიმართულია, იმისკენ, რომ პრობლემა დიპლომატიური გზით მოგვარდეს.