თბილისის პროკურატურაში მთელი ღამის განმავლობაში მიმდინარეობდა დაკითხვა ეროსი კიწმარიშვილის საქმესთან დაკავშირებით. საგამოძიებო უწყებაში ამ დრომდე რჩება რამდენიმე პირი. დაკითხვაზე დაბარებულნი იყვნენ შენობის დაცვის წევრები და ის ადამიანიც, რომელმაც პირველად აღმოაჩინა ცხედარი. ასევე კიწმარიშვილის ახლობლები, რომლებსაც გამოძიებისთვის რაიმე სახის ინფორმაციის მიწოდება შეეძლოთ.

რამდენიმე ადამიანმა, რომელმაც პროკურატურა უკვე დატოვა მედიასთან კომენტარი არ გააკეთა. მათ შორის იყო ქალბატონიც, რომლის მაღაზიაშიც, დაღუპულის ახლობლების ინფორმაციით კიწმარიშვილმა იარაღი შეიძინა.

დაკითხვის მიმდინარეობის დროს პროკურატურაში შეიტანეს ის ვიდეოკამერები, რომლებიც შემთხვევის ადგილზე იყო დამონტაძებული. გავრცელებული ინფორმაციით ამ დრომდე მოწმის სტატუსით იკითხება ეროსი კიწმარიშვილის ტანაგუნდელი გია ხევიაშვილი.