როგორ შევინარჩუნოთ მამაკაცი ზოდიაქოს ნიშნის მიხედვით

ეს საინტერესოა - 09:55, 16 Jul, 2014

24126

ალბათ ყველა ქალის ოცნებაა საყვარელი მამაკაცის ერთპიროვნულად და სამუდამოდ მოხიბვლა. თუმცა ეს ყველაფერი ხან გამოგვდის ხანაც არა. სინამდვილეში კი ძლიერ სქესს საკმაოდ ბევრი სუსტი წერტილი გააჩნია, რომელსაც ჩვენ ქალები ურთიერთობისას არ ან ვერ ვითვალისწინებთ. შესაბამისად „მტკივანზე ფეხის დადგმა“ იწვევს კიდეც ხშირ შემთხვევაში მამაკაცის მხრიდან დაცვითი ფუნქციების გააქტიურებას.. ჰოდა, ძვირფასო ქალებო მამაკაცები არც ისეთი გულადები არიან სინამდვილეში.. სწორედ ამიტომაა საჭირო ნებისმიერი მამრისთვის დამახასიათებელი სისუსტის ცოდნა ზოდიაქოს ნიშნის მიხედვით.. რა იცით, რაში გამოგადგეთ ეს ყველაფერი?

ვერძის სისუსტე ლიდერობის სიყვარულია. მიეცით მას საშუალება წამყვანი პარტია ითამაშოს ურთიერთობაში. თუკი დევნას იქეთ დაუწყებთ ის უბრალოდ და მარტივად აორთქლდება.

კუროს სისუსტე სტაბილურობის მოთხოვნილებაა. ნუ გააოცებთ მას ცვალებადობით. ნუ ითამაშებთ ქალს რომელსაც თავადაც ვერ გაურკვევია რა სურს.

ტყუპს ყველაზე მეტად ერთფეროვნების ეშინია. შესაბამისად ნუ მოსთხოვთ მას ურთიერთობის სასწრაფოდ დაკანონებას. მარტივად შეხედეთ ყველაფერს.

კირჩხიბს საყვარელი ადამიანის დაკარგვის ეშინია. თან ეს შიში იმდენად ძლიერია რომ წინასწარ გლოვობს ხოლმე მას. ნუ გაუმძაფრებთ კირჩხიბ კაცს ამ ეჭვებს ზედმეტი ჭირვეულობითა და ქარაფშუტობით.

ლომს გულის სიღრმეში საყვარელი ქალის ყოფილების „შიში“ აქვს.. უფრო სწორად შიში იმისა, რომ ყოფილს შეადარებენ. არასოდეს ისაუბროთ მასთან წარსულზე!

ქალწულს ქაოსი აშინებს ყველაზე მეტად.. როგორც ბინაში, ისე ცხოვრებაში და მით უმეტეს საკუთარ სულში. ნუ შემოიტანთ მის ყოველდღიურობაში ქაოსს. დაუმტკიცეთ რომ იქ არაფრის ასარევად არ მისულხართ.

სასწორს გადაწყვეტილების მიღების შიში აქვს. მას ურჩევნია ქალმა მიიღოს გადაწყვეტილება. ჰოდა, თქვენია ბურთი და მოედანი.. მიდით, იაქტიურეთ!

მორიელს უარყოფის შიში აქვს.. გარეგნულად თავდაჯერებული მოჩანს, სინამდვილეში კი ოტელოსავით ეჭვიანია. არასოდეს მისცეთ საბაბი საეჭვიანოდ და როცა უსაბაბოდ მაინც იეჭვიანებს, უბრალოდ გაუტარეთ!

მშვილდოსანს თავისუფლების დაკარგვის შიში აქვს. ამიტომ უნდა დაანახვოთ რომ არავინ უპირებს მას ქამანდის გამობმას. მიეცით საშუალება თავისუფლად ირბინოს, ბოლოს მაინც თქვენთან მოვა ასე.

თხის რქას ძალიან უჭირს კარიერას და გრძნობებს შორის არჩევანის გაკეთება. დაუმტკიცეთ რომ ხელს არ შეუშლით სრულფასოვნად მუშაობაში. თუ იგი მიხვდა რომ ტვინს არ აურევთ ამ მხრივ, არჩევანს თქვენზე გააკეთებს აუცილებლად.

მერწყულს დამოუკიდებლობის დაკარგვის ეშინია. ის ერთ ქალს არასოდეს ეკუთვნის, ყველასი და არავისია. დაანახვეთ რომ მასთან პირველ რიგში კარგი მეგობრობა გინდათ, სექსის შემდეგ იგი თავად დაფიქრდება უფრო ახლო ურთიერთობაზე.

თევზებს ცხოვრებისეული პრობლემების შიში აქვთ. რაც არ უნდა ვაჟკაცური ჩანდეს ეს კაცი, გულს ნამდვილად გაუხარებთ თუკი დაინახავს რომ ყოველდღიური წვრილმანების მოგვარების დიდოსტატი ხართ. ასე იგი დიდი ხნით მოგეკედლებათ.

წყარო: astrologi.ge