პირველი ეტაპი:
საშუალო ცეცხლზე დადგით ტაფა, მოასხით ზეთი და შეწვით ქერქგაცლილი ნივრის კბილები პატარა კუბიკებად დაჭრილ წიწაკასთან ერთად. რამდენიმე წუთში, როდესაც ნიორი ოქროსფერ შეფერილობას მიიღებს, ამოიღეთ ნივრის კბილები ტაფიდან და ჩაყარეთ მასში კარგად დაქუცმაცებული ოხრახუში. ტაფა მალევე გადმოდგით ცეცხლიდან.

მეორე ეტაპი:
მარილიან წყალში მოხარშეთ ბარილას სპაგეტი. როგორც მის შეფუთვაზეა მითითებული ამას 8 წუთი დაჭირდება, ხოლო მარილი წყალში 7-10 გრამი უნდა იყოს ყოველ ერთ ლიტრზე. იმისათვის, რომ დრო დაზოგოთ მაკარონი შეგიძლიათ ხარშოთ პირველი ეტაპის პარალელურად.

მესამე ეტაპი:
და ბოლოს, გადაწურეთ მოხარშული მაკარონი, გადაიტანეთ და კარგად ურიეთ ტაფაში მომზადებულ სოუსთან ერთად. გარნირად გამოიყენეთ ცოტაოდენი დაფქული ცხარე წიწაკა და ოხრახუში. გამოდის 4 ულუფა და რეკომენდირებულია მომზადებისთანავე მირთმევა. საუკეთესოა ღვინოსთან.