მოსკოვის მეტროში, არბატი-პოკროვოს ხაზზე მატარებლის რელსებიდან გადასვლის შედეგად სამი ადამიანი გარდაიცვალა, 50-ზე მეტი კი დაშავდა. მოსკოვის მერი არ გამორიცხავს, რომ აღნიშნული რიცხვი გაიზარდოს.

წინასწარი ინფორმაციით კატასტროფის მიზეზი მეტროში ელექტრო ენერგიის ძაბვის ვარდნა გახდა, რამაც მატარებლის შემადგენლობა გააჩერა. გაჩერებულ მატარებელს შემდეგი შემადგენლობა მიუახლოვდა, რის გამოც მემანქანემ შეჯახების თავიდან აცილების მიზნით ავარიულად დაამუხრუჭა. ამის გამო სამი ვაგონი რელსებიდან გადავიდა. ამ დროისთვის შემთვევის ადგილზე რუსეთის საგანგებო სიტუაციების სამინისტროს დანაყოფები და რამდენიმე ათეული სასწრაფო დახმარების მანქანაა მობილიზებული.