საქართველოს ყოფილი პრეზიდენტის მიხეილ სააკაშვილის დაცვის ყოფილი უფროსის დაკითხვა გვიან ღამემდე გაგრძელდა წუხელ პროკურატურაში. ვალერი კილაძე დაახლოებით ოთხი საათის განმავლობაში სცემდა გამოძიების კითხვებს პასუხს.

უწყებიდან გამოსვლის შემდეგ მას დეტალებზე არ უსაუბრია. პროკურატურაში სახელმწიფო დაცვის ყოფილი თანამშრომლებიც დაკითხეს, მათ შორის სახელმწიფო დაცვის სპეციალური სამსახურის ყოფილი უფროსი. მას უწყების ფინანსებთან დაკავშირებით მოუწია საუბარი.

გამოძიება სავარაუდოდ სამსახურის ხარჯებს იკვლევს, თუმცა, საქმეს, რომელზეც ისინი დაიბარეს გრიფით საიდუმლო ადევს.