რა უნდა ვიცოდეთ მანქანის რეცხვის შესახებ?

ეს საინტერესოა - 16:43, 14 Jul, 2014

6784

ნებისმიერ ავტომფლობელს, სურს ლამაზი მანქანა ჰყავდეს. დიზაინის გარდა მნიშვნელოვანია, რომ თქვენი მანქანა ყოველთვის სუფთა იყოს. სუფთა ავტომობილი ლამაზიცაა და არც თქვენს სამოსს სვრის. აღსანიშნავია, რომ ჭუჭყი მანქანის ძარაზე იკავებს წყალს, რომელიც თავისმხვრივ ლითონის ძარის კოროზიას იწვევს, ამრიგად მანქანის სისუფთავის შენარჩუნება აუცილებელიც კი არის, მისი ექსპლუატაციის ვადის გასაზრდელად.

თუმცა, ისიც უნდა გვახსოვდეს, რომ ხშირი რეცხვა შეიძლება საზიანოც კი იყოს! სამწუხაროდ არ არსებობს უნივერსალური მაჩვენებელი მანქანის რეცხვის სიხშირისა. ეს დამოკიდებული თქვენს პირად შეხედულებებზე, იმაზე, თუ რამდენს გადაადგილდებით ავტომობილით, რა პირობეში გიწევთ მგზავრობა და ასე შემდეგ. თუმცა, საბოლოო ჯამში, უმჯობესია მანქანა ხშირად გაირეცხოს ვიდრე იშვითად, ან საერთოდ არ გაირეცხოს.

რა ამინდიც არ უნდა იყოს გარეთ, უნდა გვახსოვდეს რომ მტვერი და ტალახი, ყოველთვის ედება მანქანას, შესაბამისად მანქანის რეცხვა ნებისმიერ ამინდშია საჭიროა. ნაცვეთი – სამუხრუჭე ხუნდების ნაწილაკები ყოველთვის რჩება ავტომობილის დისკებზე. ისევე, როგორც მწერებისა და ფრინველების ნაკვალევი საქარე მინაზე. ასე რომ, მანქანის პერიოდული რეცხვა დაიცავს თქვენი ავტომობილის ძარას კოროზიისგან, საღებავს გაუფერულებისა და ბზინვარების დაკარგვისაგან.

ბევრს სჯერა, რომ მანქანის ხშირი რეცხვა კოროზიას იწვევს. თუმცა ეს მოსაზრება საბოლოო ჯამში, ლოგიკურ საფუძველს მოკლებულია, მაგრამ უნდა გვახსოვდეს, რომ ავტომობილი მაქსიმალურად უნალექო ამინდში უნდა გაირეცხოს თუ რა თქმა უნდა არის ამის შესაძლებლობა. ნებისმიერ შემთხვევაში, მანქანა უნდა გაირეცხოს ხარისხიანად და ჯეროვნად, მხოლოდ “წყლის გადავლება”, საბოლოო ჯამში არაფერს ცვლის.

ასევე დაუშვებელი ავტომობილის სარეცხად საყოფაცხოვრებო დანიშნულების სარეცხი საშუალებების, მაგალითად სარეცხი ფხვნილების ან “ჭურჭლის ჟელეების” გამოყენება, ვინაიდან ასეთმა საშუელებებმა შეიძლება სისუფთავის ნაცვლად კოროზია მოუტანოს კიდეც თქვენს მანქანას. ვინაიდან საყოფაცხოვრებო სარეცხი საშუალებები, ხშირად აბრაზიულ ელემენტებს შეიცავს.

დაუშვებელია, ავტომობილის შამპუნი ან უკონტაქტო რეცხვის ხსნარი, შეიცავდეს კაუსტიკურ სოდას, ვინაიდან ეს ნერთი გარდა იმისა, რომ აზიანებს მანქანის ქრომირებულ და რეზინის ნაწილებს, ასევე საკმაოდ საზიანოა თქვენი ჯანმრთელობისათვის და ბუნებისთვის.