„თბილისის აეროპორტი“ ბოლო დღეების განმავლობაში სხვადასხვა სახის რამდენიმე კანონდარღვევა გამოვლინდა. ამის შესახებ შემოსავლების სამსახურის მიერ გავრცელებულ განცხადებაშია ნათქვამი. საბაჟო გჰამშვებ პუნქტში კერძოდ, 5 ცალი მობილური ტელეფონის - Samsunng Galaxy S5 - და 1200 ღერი ფილტრიანი სიგარეტის - Marlboro - შემოტანა სცადა დეკლარირების წესის გვერდის ავლით 11 ივლისს „თბილისის აეროპორტში“ აზერბაიჯანის მოქალაქე ფ. მ.-მ, რომელიც რეისით დუბაი-თბილისი ჩამოფრინდა. საქონლის საბაჟო ღირებულებამ შეადგინა 5498,15 ლარი. საგადასახადო კოდექსის 289-ე მუხლის მე-10 ნაწილის შესაბამისად, კანონდამრღვევ მგზავრს სანქციის სახით შეეფარდა ფულადი ჯარიმა 5498,15 ლარის ოდენობით.

ასევე არადეკლარირებული მობილური ტელეფონები აღმოაჩინეს შემოსავლების სამსახურის თანამშრომლებმა 13 ივლისს, სგპ „თბილისის აეროპორტში“, რეისით დუბაი - თბილისი, ჩამოსული აზერბაიჯანის მოქალაქე ა. პ.-ის ბარგის დათვალიერების შედეგად. მგზავრს უკანონოდ შემოჰქონდა არადეკლარირებული IPHONE 5s – 4 ცალი, NEXUS 5 – 1 ცალი, SAMSUNG GALAXY NOTE 3 – 2 ცალი, LG-G3 – 1 ცალი, LG- G FLEX – 3 ცალი. საქონლის საერთო ღირებულებამ შეადგინა 10824,77 ლარი. მგზავრს, საგადასახადო კოდექსის 289-ე მუხლის მე-10 ნაწილის შესაბამისად, სანქციის სახით შეეფარდა ფულადი ჯარიმა 10824,77 ლარის ოდენობით.

12 ივლისს სგპ „თბილისის აეროპორტში“ რეისით სტამბოლი - თბილისი, ჩამოფრინდა საქართველოს მოქალაქე ნ. გ., რომლის ბარგშიც მებაჟე ოფიცრებმა ფსიქოტროპული მედიკამენტი KEMIRICA 300 მლ. (Pregabalini) – 90 კაფსულა აღმოაჩინეს. საქმე შემდგომი რეაგირებისთვის გადაეცა შსს ცენტრალური კრიმინალური პოლიციის დეპარტამენტს.