აღმოსავლეთ უკრაინაში სეპარატისტი ტერორისტები კონტრშეტევას აპირებენ

მსოფლიო - 19:15, 12 Jul, 2014

2416

უკრაინის უშიშროებისა და თავდაცვის საბჭოს სპიკერის ანდრეი ლისენკოს ცნობით, სეპარატისტი ტერორისტები კონტრშეტევას აპირებენ, რადგან უკრაინის არმია მათ ყველა ძალის, მათ შორის ავიაციის მეშვეობით, უტევს.

"ისინი ცდილობენ დაიბრუნონ დაკარგული პოზიციები," - აცხადებს ლისენკო. მისის თქმით ტეროტისტებმა გადაჯგუფება შეასრულეს და ამასთან ადგილობრივებში ახალი ბოევიკების დაქირავებას ცდილობენ.

ამასთან, ტერორისტების რიგებში გავლენის სფეროების განაწილებისათვის ბრძოლაც მიდის.
"არსებობს მონაცემები, რომ მათ შორის მიდის უთანხმოებები, თუ რომელი ქვედანაყოფი უნდა დაემორჩილოს ამა თუ იმ მეთაურს, ასევე არის პრობლემები ფულადი ანაზღაურების სხვადასხვაობის გამო," აცხადებს ლისენკო.

ამავე დროს ლუგანსკელი ბლოგერი, სერგეი ივანოვი თავის ფეისბუქში წერს, რომ რუსეთოის მხრიდან კვლავ იბომბება უკრაინული სასაზღვრო პუნტქი "დოლჟანსკი". იგი აცხადებს, რომ რუსული ანტისატანკო მართვადი სარაკეტო სისტემის გამოყენებით განადგურდა ამ სასაზღვრო პუნქტზე არსებული სამხედრო ტექნიკა, მათი მდებარეობის განსაზღვრისათვის უპილოტო თვითმფრინავებია გამოყენებული.
"საზღვარი არამცთუ დაკეტილი არაა,, იგი არ არსებობს, პუნქტის მეთაურობა უკვე მთელი დღეა ითხოვს ავიაციის გამოყენებას, მაგრამ მათ არ უსმენენ" - წერს ბლოგერი.