ურეკის ერთ-ერთი სასტუმროდან გაუჩინარებული 14 წლის მარიამ გეგუჩაძის ოჯახის წევრები სამართალდამცველებს უმოქმედობაში ადანაშაულებენ და აცხადებენ, რომ პოლიცია მათი შვილის პოვნისთვის არაფერს აკეთებს.

მარიამ გეგუჩაძე 1 ივლისს გაუჩინარდა. დაკარგული გოგონას მშობლების თქმით, გაუჩინარების შემდეგ მარიამ გეგუჩაძე ბათუმში ახლობელთან მივიდა, 4 ივლისს კი მან სოციალური ქსელით ისარგებლა. ამის შემდეგ მარიამ გეგუჩაძის კვალი ქრება. ოჯახის წევრების თქმით, ისინი თვითონ ცდილობენ მოძებნონ შვილი, თუმცა ამ დრომდე მის კვალს ვერ მიაკვლიეს. როგორც ისინი აცხადებენ, მატიამ გეგუჩაზე ადრეც გაუჩინარდა. მაშინ გაუჩინარების მიზეზი მარიამისთვის მშობლების მიერ საყვედურის მიცემა გახდა.