,,მე მივაქირავე მიშა ძაძამიას, რომელიც შემდეგ უკვე ვნახე, რომ იყო ზურაბ ჟავნიას პირადი დაცვა, მას ჩემთან არ უთქვამს, რომ ის ჟავნიას დაცვა იყო, ჩემთან თქვა, რომ მუშაობდა საბაჟოზე’’-აცხადებს ეკა კიკიანი,

ბინის მფლობელის მეზობლის განცხადებით, ბინის ქირაობის შემდეგ მას არც უნახავს ჟავანია იქ მისული, მხოლოდ ძაძამია სტუმრობდა ამ ბინას.

ჟვანიას დაცვის წევრი მიშა ძაძამია და დაცვის უფროსი კობა ხარშილაძე გამოძიებამ უკვე დაკითხა.

დაკითხულთა სიაში მთავრობის კანცელარიის ყოფილი უფროსი პეტრე მამრაძეც არის, მამრაძე საკუთარ ეჭვებზე საუბრობს, მისი თქმით, ეჭვს აჩენს ის ფაქტი, რომ დაღუპულ უსუფოვს აღმოაჩნდა ერთადერთი ფეხსაცმელი და ის ერთი ფეხსაცმლით ხომ არ მივიდოდა იმ ბინაში - კითხულობს პეტრე მამარაძე, მისივე თქმით, ჟვანიას დაღუვის დღეს დაურეკეს და უთხრეს, რომ პრემიერის დაცვის უფროსს კობა ხარშილაძემ მობილური დაიკარგა, ახალი კი კანცელარიის ხარჯებით უნდა შეეძნათ,

,,პირველი მაინც ვიკითხე, ასეთი ოფიცერი, როგორ დაკარგავდა ტელეფონს, და მეორე, რატომ მოგვმართავთ ჩვენ და არა დაცვის სამსახურს, და ამაზე კითხვები დამებადა, იქნებ არც დაკარგა და თავისთვის რაღაც ფოტოები, ან ვიდეო გადაიღო’’-აცხადებს პეტრე მამარაძე.

პროკურატურაში არ აკონკრეტებენ, როდის გახდება ცნობილი საქმის ახალი დეტალები, იუსტიციის მინისტრი თეა წულუკიანი კი აცხადებს, რომ გამოძიების პროცესში საქმით სპეკულირებას არ აპირებს,

,,აქტიური ტემპით, თითქმის ყოლედღიურ რეჟიმში მიმდინარეობს მუშაობა, მაგრამ როდის დასრულდება საქმე, ამაზე საუბარი იქნებოდა წმინდა წყლის სპეკულაცია, რადგან გამოძიება ისეთი რამაა, რომ დასრულებული რომ გგონია, შესაძლოა კიდევ გამოიკევთოს ახალი დეტალები’’-აცხადებს თეა წულუკიანი.