ქართველი სერჟანტი ერაყში ჯიჰადის ლიდერი გახდა

მსოფლიო - 11:33, 09 Jul, 2014

7564

28 წლის უმარა აშ-შიშანი უკვე რამდენიმე თვეა სირიის და ერაყის მთავარ საინფორმაციო გამოშვებებში სირიის და ერაყის სამხედრო სიახლეებში ხვდება.

აშ-შიშანი ცნობილია, როგორც „წითური გენერალი“, ის ხელმძღვანელობს ლევანტასა და ერაყის ისლამური სახელმწიფოს ჩრდილოეთ სექტორს.

შიშანს რადიკალურ ისლამისტურ საბრძოლო დაჯგუფებაში მაღალი პოზიციები უჭირავს, რომელიც ერაყსა და სირიაში იბრძვის.

ისლამისტების მეთაურს თავის სამშობლო საქართველოში სხვა სახელით იცნობენ, ის სირიაში გამგზავრებამდე იყო თარხან ბათირაშვილი და ცხოვრობდა სოფელ ბირკიანში, მსახურობდა ქართულ არმიაში, ხოლო მანამდე იყო მწყემსი.

თარხანის მამა „ბი-ბი-სი“-თან საუბარში აცხადებს, რომ მისთვის გაუგებარია როდის მოხვდა მისი შვილი ვაჰაბისტების რიგებში, ის გაოცებულია როდესაც პრესიის საშუალებით იგებს, რომ მის შვილს ალქაიდაშიც იცნობენ.

„აგვისტოს ომამდე თარხანი არ იყოს ასეთი, თავის ძმას თენგიზსაც უკრძალავდა ამგვარ საქმეებში გარევას და ახლა კი გაზეთებში წერენ, რომ ის ისლამისტების ლიდერია და ალქიადაშიც იცნობენ. აზრზე ხარ სადამდე მივიდა მისი ცხოვრება?!“,- აღნიშნა თარხანის მამამ „ბი-ბი-სი“-თან“ საუბარში.

თარხანის მამა ინტერვიუში იხსენებს, რომ მესამე შვილი უნდოდა გოგო ჰყოლოდა, რადგან თვლის, რომ ამ შემთხვევაში ამდენი სანერვიულო აღარ ექნებოდა.

„სულ ახლახანს აღმოვაჩინე, რომ ოჯახურ ალბომში მისი არც ერთი ფოტო არ არის, მათი კანონებით არ შეიძლება რაიმე სახით გამოსახულების შენახვაც კი. ჩემი შვილი ძალიან სიმპატიური ბიჭი იყო, ეს ახლაა ასე...რომ დიდი წვერები მოუშვია..“,- დასძინა ქართველი სერჟანტის მამამ ინტერვიუს დასასრულს.