სარაკეტო იერიშები მთელი ღამის განმავლობაში ინტენსიურად მიმდინარეობდა ისრაელსა და პალესტინას შორის. ისრაელი საყოველთაო მობილიზების გამოცხადებას იწყებს და ქვეყანა სახმელეთო ოპერაციაზე გადასვლასაც არ გამორიცხავს. ამის შესახებ ისრაელის პრეზიდენტმა განაცხადა.

წუხელ ჰამასმა თელავივისა და იერუსალიმის მიმართულებით განახორციელა დარტყმები. თუმცა, ისრაელის ანტისარაკეტო სისტემებმა იერიშები მოიგერიეს. რასაც გამთენიისას ღაზას სექტორის მიმართულებით საპასუხო დარტყმები მოჰყვა.

2012 წლის შემდეგ პირველად ხდება, როდესაც პალესტინელებმა მიზანში თელავივი ამოიღეს. წუხანდელ იერიშებს წინ უძღოდა ღაზას სექტორში 150-მდე ობიექტის მიმართულებით გაშვებული რაკეტები, რასაც პალესტინის მხრიდან სულ 24 ადამიანი ემსხვერპლა. მათ შორის ჰამასის 5 მებრძოლი, დაშავდა 150 ადამიანი.

პალესტინის ლიდერმა, მაჰმუდ აბასმა საერთაშორისო საზოგადოებას დახმარება სთხოვა. ისრაელის წინააღმდეგ სარაკეტო იერიშები ამერიკის შეერთებულმა შტატებმა და ევროკავშირმა დაგმო.