თბილისის საქალაქო სასამართლომ ლევან ბეჟაშვილის საქმესთან დაკავშირებით გადაწყვეტილება დღეს უნდა გამოაცხადოს. „ნაციონალური მოძრაობა“ ორი დღის წინ დეპუტატების დაკავების გამო პასუხისმგებელი პირების დაკავებას ითხოვს. წინააღმდეგ შემთვევაში ისინი არ გამორიცხავენ, რომ სტრასბურგის სასამართლოს მიმართონ. ლევან ბეჟაშვილის თქმით, ისინი იმ პოლიციელების მიმართ, ვინც ლაშა რუხაია და გოჩა დარჯანია დააკავეს, სისხლის სამართლის საქმის აღძვრას ითხოვენ.

„ეს პირველი პრეცენდენტი იყო, როდესაც სამართალდამცავების მხრიდან უკანონოდ მოხდა პარლამენტის წევრის დაკავება. ამ შემთხვევაში არც ჩემზეა საუბარი და არც - რომელიმე სხვა დეპუტატზე. ვაპირებთ მოვითხოვოთ პროკურატურისგან, რომ იმ პოლიციელების მიმართ, რომლებიც ახორიცლებედნენ ამ უკანონო დაკავებას, აღიძრას სისხლის სამართლის საქმე“, - განაცხადა ლევან ბეჟაშვილმა.

შეგახსენებთ, ინციდენტი საქალაქო სასამართლოსთან გიგი უგულავასთვის აღმკვეთი ღონისძიების შეფარდებას მოჰყვა. დპაირისპირების დროს კოტე გაბაშვილთან და ლევან ბეჟაშვილთან ერთად „თავისუფალი ზონის“ რამდენიმე წევრიც დააკავეს.