უგულავას დაპატიმრება იყო ივანიშვილის კაპრიზი

უგულავას დაპატიმრება იყო ივანიშვილის კაპრიზი - თარგამაძე

სამართალი - 23:47, 04 Jul, 2014

2236

პარტია „ერთიანი ნაციონალური მოძრაობის“ ერთ-ერთი ლიდერი გივი თარგამაძე თბილისის ყოფილი მერის გიგი უგულავას დაპატიმრების აფასებს.

„ეს არის პირდაპირი ზეწოლა, ეს არის პირდაპირი მცდელობა, რომ მათი უნიათ-უსახური კანდიდატი, რომელიც არის მხოლოდ ერთი ადამიანის მონა როგორღაც გაათრიონ ამ არჩევნებზე ნებისმიერი მეთოდით. ამას მოწმობდა დღევანდელი პროცესი, რომელიც აღმოჩნდა უბრალოდ გათამაშებული ძალიან უნიჭო სპექტაკლი, როდესაც მოსამართლემ პარაქტიკულად მოუსმინა იმ უტყუარ მტკიცებულებებს რაც დაცვის მხარეს გააჩნდა, არ მიიღო ისინი მხედველობაში და შეასრულა ბიძინა ივანიშვილის კაპრიზი.

ისინი ალბათ ახლა ზეიმობენ, წარმომიდგენია მათი რეაქცია, იგივე ჰაკიმ ფაშასი და სხვების. ზეიმი არ იქნება დიდხნიანი. ჩვენ რა თქმა უნდა გავაგრძელებთ ბრძოლას ყველა ფრონტზე, შესაბამისი ძალისმხმევით ვინაიდან ასეთი ზეწოლა ხორციელდება ჩვენს ძალებს უფრო გავაძლიერებთ“,- განაცხადა თარგამაძემ.

მისივე თქმით, გიგი უგულავას დაპატიმრება არჩევნებზე გავლენას იქონიებს,თუმცა მისივე თქმით, გუნდი ეცდება, რომ უგულავას ჩანაცვლება სრულფასოვნად მოხდეს.

„ივანიშვილმა თავისი ოცნების დიდი ნაწილი პრაქტიკულად განახორციელა ამოიდო რა ფეხქვეშ მთლიანად მართლმსაჯულება სასამართლოს ჩათვლით, მაგრამ როგორ ამთავრებენ ივანიშვილისნაირი და ჰაკიმ ფაშასნაირი ფიგურები თავისი პოლიტიკურ მოღვაწეობას ეს ყველამ იცის“,- აღნიშნა გივი თარგამაძემ „რუსთავი 2“-ის ეთერში საუბრისას.

მისივე თქმით, „ნაციონალური მოძრაობა" ეცდება ეს პროცესები ქვეყნისთვის სწრაფად და უმტკივნეულოდ წარმართოს.