საქალაქო სასამართლოსთან გიგი უგულავას მხარდამჭერების აქცია მიმდინარეობს

სამართალი - 18:37, 04 Jul, 2014

1999

თბილისის საქალაქო სასამართლო გიგი გულავასთავი აღმკვეთი ღონისძიების შეფარდების საკითხზე მსჯელობს.

პროცესის პარალელურად უგულავას მხარდამჭერთა აქცია მიმდინარეობს საქალაქო სასამართლოსთან.

პროცესს ესწრებიან გიგი უგულავას ოჯახის წევრები და ,,ნაციონალური მოძრაობის“ ლიდერები გიგა ბოკერია, გივი თარგამაძე და სხვები.

სასამართლოს ეზოში კი გიგი უგულავას მხარდამჭერი აქცია მიმდინარეობს.

როკურატურამ სასამართლოს გიგი უგულავასთვის აღკვეთის ღონისძიების სახით წინასწარი პატიმრობის შეფარდება მოითხოვა.

როგორც პროკურატურის განცხადებაშია ნათქვამი, დღეს ქ.თბილისის ყოფილ მერს გიორგი უგულავას წარედგინა ბრალდება მარნეულის საოლქო საარჩევნო კომისიის თავმჯდომარის მიმართ 2014 წლის 05 ივნისს განხორციელებული იძულების და ჯგუფური მოქმედების ორგანიზებისათვის, რომელიც მიმართული იყო მარნეულის საოლქო საარჩევნო კომისიის კანონიერი საქმიანობის შეფერხებისაკენ. ასევე წარედგინა ბრალდება გიორგი ღონიაშვილთან და სხვა პირებთან ერთად, ჯგუფურად ჩადენილი განსაკუთრებით დიდი ოდენობით უკანონო შემოსავლის ლეგალიზაციისა და ყალბი ოფიციალური დოკუმენტის გამოყენების ორგანიზებისთვის. დანაშაული გათვალისწინებული საქართველოს სისხლის სამართლის კოდექსის 194-ე მუხლის მეორე ნაწილის ,,ა“ და ,,გ“ ქვეპუნქტებით, 25,362-ე მუხლის პირველი ნაწილით, 226-ე მუხლით და 150-ე მუხლის პირველი ნაწილით.

დღესვე ბრალდების მხარემ თბილისის საქალაქო სასამართლოში იშუამდგომლა გიორგი უგულავას მიმართ აღკვეთის ღონისძიების სახედ - პატიმრობის გამოყენების თაობაზე.