ადვოკატებს თბილისის ყოფილი მერის გიგი უგულავას ნახვის უფლება მისცეს. ისინი საკუთარი დაცვის ქვეშ მყოფთან დახლოებით ერთი საათის განმავლობაში იმყოფებოდნენ. ადვოკატების თქმით, დაკავებიდან ამ დრომდე უგულავას მიმართ დარღვევები დაფიქსირდა. კერძოდ, გიგი უგულავასთვის ამ დრომდე არ განუმარტავთ, თუ რა საქმესთან დაკავშირებით ჰყავთ დაკავებული. ადვოკატებისთვის ამ დროისთვის არც საქმის მასალები გადაუციათ.

"ჩვენ შევხვდით გიგი უგულავას. მას დაკავების შემდგომ არ განუმარტეს საქმის ფაქტობრივი გარემოებები თუ რას ედავებოდნენ. მას წარმოდგენა არ აქვს რა თემაზეა დაკავებული. უბრალოდ იცის, რომ ეს არის უკანონო შემოასვლების ლეგალიზაციასთან დაკავშირებული დაკავება. საგამოძიებო სამსახურში გადაყვანის შემდეგ იგი ითხოვდა ადვოკატთან შეხვედრას, რისი უფლებაც მას არ მისცემს. იგი არ აღიარებს არანაირ ბრალს, თუმცა ამ დრომდე ჯერ ბრალი არც წაუყენებიათ. ჩვენ არანაირ საქმის მასალას არ ვიცნობთ, რადგან საგამოძიებო ორგანოსთან არანაირი კომუნიკაცია არ შედგა. ჩვენ შეხვედრის სურვილი გამოვთქვით, მაგრამ მათ უარი განაცხადეს“, - განაცხადა გიორგი გელხაურმა.