საქართველოს თავდაცვის ყოფილი მინისტრის ბაჩო ახალაიას სასამართლო პროცესი თბილისის საქალაქო სასამართლოში დღეს უნდა განახლდეს. პროცესზე ბრალდების მხარეების მოწმეების დაკითხვა მოხდება.

პროცესი ე.წ. ნავთლუღის სპეცოპერაციას შეეხება, თუმცა, მოსამართლე დამატებით კიდევ ორ ეპიზოდზე იმსჯელებს. სხდომა საქალაქო სასამართლოში რამდენიმე წუთში უნდა დაიწყოს.

ადვოკატი ყველა ბრალდების უსაფუძვლობაზე საუბრობს.

რაც შეეხება ახალაიასთვის ახალი ბრალის წარდგენას, რუსულ სცენარს უკავშირებს თავდაცვის ყოფილი მისნისტრის მეუღლე ანი ნადარეიშვილი.

„იანვარში ამ საქმესთან დაკავშირებით ზოგიერთი ბრალდებული გამართლდა, იქ არ იყო ბაჩო ახალაიას სახელი ნახსენები, ეს არის რუსული დავალება, რომ ბაჩო ახალაია ციხიდან არ გამოვიდეს“, - აცხადებს ანი ნადარეიშვილი.

საპარლამენტო უმრავლესობაში მიიჩნევენ, რომ თუ საგამოძიებო უწყებას ახალაიასთან კითხვებია ქვს, მან ამ კითხვებს პასუხი უნდა გასცეს. ჯერჯერობით უცნობია როდის მიმართავს ბადაშვილის უწყება ახალაიას საქმეზე აღკვეთის ღონისძიების მოთხოვნით სასამართლოს. საქმე 2011 წელს დაკავებული სამხედროების წამებასა და სექსუალურ ძალადობას ეხება.