დონეცკელ ტერორისტებს შორის განხეთქილებაა - ამის შესახებ უკრაინის შინაგან საქმეთა მინისტრის თანაშემწემ ანტონ გერაშენკომ დონეცკის ოლქში მილიციის შენობის შტურმის კომენტირებისას განაცხადა.

მისი თქმით, ერთი ჯგუფი „ეშმაკის“ მეთაურობით ითხოვდა მილიციის შენობის სრულად განადგურებასა და დონეცკელი მილიციელების მუშაობის შეწყვეტას.

მეორე ჯგუფი, ადგილობრივებისგან შემდგარი ტერორისტიული დაჯგუფება კი ამ მოსაზრების კატეგორიული წინააღმდეგი გამოდიოდა, გამომდინარე იქიდან, რომ ადგილობრივ მოსახელობაში ეს უკმაყოფილებას გამოიწვევდა.

„იქ არის გარკვეული ბალანსი, როდესაც ტერორიტების ერთი ჯგუფი ხვდება, რომ მილიციის განადგურება არ შეიძლება, ხოლო მეორე, რომელიც დიდწილად მოსკოვიდან იმართება და ასრულებს რუსული სამხედრო გენერალური შატაბისა და "ფეესბეს" განკარულებებს“, - განაცხადა გერაშენკომ.

აგრეთვე ცნობილია, რომ უკრაინულ მილიციას დონეცკში იარაღის მხოლოდ მინიმალური რაოდენობა ჰქონდა და რომ ძირითადი რესურსი აპრილის თვეშია გატანილი.

შეგახსენებთ, რომ დღეს, დონეცკის ოლქის მილიციის შენობის შტურმის დროს დაიღუპა ერთი და დაჭრილია მილიციის რამდენიმე თანამშრომელი.