ზუგდიდის რაიონულმა სასამართლომ ანაკლიის 32-ე საარჩევნო უბანზე მომხდარ ინციდეტში მონაწილე ერთ-ერთი პირი 400 ლარიანი ჯარიმის სანაცვლოდ გაათავისუფლა. პროცესის დასრულების გოგა ღადუამ განაცხადა, რომ ის ჩადენილ დანაშულს ნანობს.

„მინდოდა გამეგო რატომ დააკავეს ჩემი მეგობრები. ვიყავი ნასვამი და ვაღიარებ, რომ მოვიქეცი აგრესიულად. ცუდი სიტყვებით მივმართავდი პოლიციას. ვინანიებ ჩადენილს“, - განაცხადა გოგა ღადუამ.

ღადუა, რომელიც ზუგდიდის მუნიციპალიტეტის საკრებულოს სიის მესამე ნომერია ადმინისტრაციული სამართალდარღვევათა კოდექსის 173- მუხლით, პოლიციისთვის წინააღმდეგობის გაწევისთვის იყო დაკავებული.