პრიმაკოვი - რუსეთი, უკრაინის გამო, დასავლეთთან დაპირისპირებისთვის მზად არაა

მსოფლიო - 17:23, 28 Jun, 2014

2448

უკრაინის ახალი ხელისუფლების პოზიცია გასაგებია, აცხადებს ცნობილი რუსი დიპლომატი და სახელმწიფო მოღვაწე ევგენი პრიმაკოვი, იგი დისტანცირებს რუსეთისგან და ევროპასთან მჭიდრო ურთიერთობაში შედის. აქვე პრიმაკოვი ვარაუდებს გამოთქვამს მოვლენათა შესაძლო განვითარებაზე.

"მოკლედ თუ ვიტყვით, გამოდის, რომ რუსეთი ზავზე უნდა წავიდეს, რადგან წინააღმდეგ შემთხვევაში ჩვენ გვემუქრება დასავლეთისგან სრული დაპირისპირება, რისთვისაც მზად არ ვართ. მთავარი მიზეზი - ტექნოლოგიური ჩამორჩენილობაა, რომელსაც მარტო თავს ვერ გავართმევთ. გლობალიზაციის პროცესში ჩვენ ყველაზე სუსტი წერტილი ვართ ამ საკითხში. ამის გამო ჩვენ ზემოდან გვიყურებენ და ჩვენს წინააღმდეგ თავისუფლად მოქმედებენ. სიტუაციას დამოუკიდებლად ვერ გამოვასწორებთ," . აცხადებს პრიმაკოვი.

ამასთან იგი აღნიშნავს, რომ რუსეთი არ აპირებდა და მას არ აწყობდა ჯარების შეყვანა უკრაინაში, ეს მხოლოდ იმ შემთხვევაში შესაძლოა მომხდარიყო, თუ უკრაინის ხელისუფლება ძალას გამოიყენებდა ყირიმში. ამგვარი ქმედება კიდევ უფრო შეკრავდა ევროპას რუსეთის წინააღმდეგ და დაახლოებდა მას ამერიკის შეერთებულ შტატებთან.

პრიმაკოვმა აღნიშნა, რომ რუსეთი ყოველმხრივ უნდა ეცადოს ჩააწყნაროს კონფლიქტი დონბასსა და აღმოსავლეთ უკრაინაში, აიღოს გარანტიები იქ მცხოვრები რუსულენოვანი მოსახლეობის უფლებების დაცბის საკითხში. მან არაორაზროვნად აღნიშნა, რომ რუსეთშ ახლა არ აწყობს კონფლიქტი, რადგან მთავარი გლობალური მიზანი, მრავალპოლუსიანი სამყარო, ჯერ მიღწეული არაა.