გერმანიის კანცლერმა ანგელა მერკელმა ბრიუსელში განაცხადა, რომ თუ უახლოესი საათების განმავლობაში გერმანია ვერ დაინახავს რუსეთის მიერ გადადგმულ ნაბიჯებს, მის წინააღმდეგ მკაცრ ზომებს გაატარებს.

მერკელის განცხადებით, ევროკავშირი დამატებით ზომებს მიიღებს რუსეთის წინააღმდეგ უახლოეს საათებში, თუ უკრაინის პრეზიდენტის პეტრო პოროშენკოს მიერ შეთავაზებული სამშვიდობო გეგმის შესრულებაში პროგრესი არ იქნება მიღწეული.

"ჩვენ უახლოეს საათებში ველოდებით პროგრესს და თუ ვერ დავინახავთ სამშვიდობო გეგმის რომელიმე პუნქტის შესრულებისკენ გადადგმულ ნაბიჯებს, რუსეთის წინააღმდეგ მკაცრი ზომების მიღებისთვის მოვემზადებით", - განაცხადა ანგელა მერკელმა.