ნატო-ს მიერ საქართველოსთვის შეთავაზებული პაკეტის რამდენიმე დეტალი ცნობილია

მსოფლიო - 16:56, 26 Jun, 2014

2784

ნატო-ს მიერ საქართველოსთვის შეთავაზებული ძირითადი და არსებითი პაკეტის რამდენიმე ელემენტი ცნობილია. თანამშრომლობის მომავალი ფორმის შინაარსზე ნატო-ს წევრი ქვეყნები უკვე შეთანხმდნენ, მათ შორისაა, ისეთი მინიშნებები, რომელთა გამოყენება საქართველოს არა უელსის სამიტის შემდეგ, არამედ დღესვე შეუძლია.
ნატო-ს მინისტერიალის დასრულების შემდეგ, ძირითადი და არსებითი პაკეტის ელემენტებზე ,,მოამბეს” ექსკლუზიურად ალიანსის გენერალური მდივნის სპეციალური წარმომადგენელი ჯეიმს აპატურაი ესაუბრა.
“საქართველო მიიღებს უპრეცედენტო პაკეტს. მსგავსი პაკეტი, რომელიც საფუძველია ნატო-სა და პარტნიორი თანამშრომლობის გასაღრმავებლად ჩვენ ნატო-ს არაწევრი არცერთი სახელმწიფოსთვის არ მიგვიცია. რაც უკვე გადაწყვეტილია, საქართველოს მივცემთ საშუალებას ჩაერთოს გახანგრძლივებული დროით ნატო-ს სწრაფი რეაგირების ძალებში, მეორე - ჩვენ ვპატიჟებთ და ვაძლევთ საშუალებას, მონაწილეობა მიიღოს ნატო-ს სტრატეგიულ მსჯელობაში. ეს არ იქნება მხოლოდ თავსებადობის თემებზე მსჯელობა, არამედ ნატო იმსჯელებს მსოფლიოში მიმდინარე აქტუალურ საკითხებზე. ეს კიდევ ერთი დასტურია იმისი, რომ ამ პაკეტით საქართველო ნატო-ს დაუახლოვდება და დაუახლოვდება სტრუქტურულადაც. გენერალური მდივნის იდეაა, რომ საქართველოს სასწავლო ცენტრი გაიხსნას, ასევე ვფიქრობთ, ხომ არ დავუკავშიროთ ეს ცენტრი პირდაპირ ნატო-ს რომელიმე ქვეყანაში გახნილ ცენტრს მეტი კავშირებისთვის”, - განაცხადა ჯეიმს აპატურაიმ.
აპატურაი მიიჩნევს, რომ საქართველომ ამ არსებითი პაკეტით მიიღო მაქსიმუმი, რაც ამ ეტაპზე იყო შესაძლებელი.