გურჯაანში 21 წლის ახალგაზრდა სამართალდამცველებს სიტყვიერ და ფიზიკურ შეურაცხყოფაში ადანაშაულებს. ამის შესახებ ინფორმაციას „კახეთის საინფორმაციო ცენტრის“ ხელძღვანელი გელა მთივლიშვილი ავრცელებს.

როგორც ირკვევა, მთივლიშვილს აღნიშნული ინფორმაცია, ახალგაზრდას მშობლებმა მიაწოდეს.

„გელა გამარჯობა, შემთხვევით ხომ არ იცი, გურჯაანის პოლიცის შენობაში შიგნით კამერები თუ დგას? დღეს ჩემი მეგობარი 21 წლის ახალგაზრდა დაიბარეს. პოლიცის უფროსმა ლაშა გოგნიაშვილმა და კიდევ ერთმა გამომძიებელმა (სახელი არ ვიცი) სიტყვიერი შეურაცხყოფა მიაყენეს და ცემეს კიდეც, მხოლოდ იმიტომ რომ 2 საათი ალოდნინეს და ჩემა მეგობარმა პრეტენზია გამოთქვა. იქნებ რომელიმე ადამიანის უფლებათა დამცველ ორგანიზაციისთვის მიმემართა და თუ ეს კამერები არსებობს ჩანაწერი გამოგვეთხოვა.

ჩემი პასუხი: კამერას რომ გადაეღო, წაშლიან ან იტყვიან, კამერა არ მუშაობდაო! ასეთია პრაქტიკა“,- წერს გელა მთივლიშვილი.

"ნიუპოსტი" ინფორმაციის გადასამოწმებლად შინაგან საქმეთა სამინისტროს დაუკავშირდა. ჭიკაიძის უწყებაში აღნიშნულ ინფორმაციას არ ადასტურებენ.