საიამ პრეზიდენტის 2010-2012 წლების სარეზერვო ფონდის ანგარიში წარადგინა

საზოგადოება - 17:29, 17 Dec, 2012

236

თუმცა უმრავლეს შემთხვევაში, გამოყოფილი თანხების კონკრეტული მიზნობრიობა პრეზიდენტის განკარგულებებში არ ასახულა, რაც თვითმმართველ ერთეულებს გამოყოფილი თანხების ხარჯვისთვის მეტ თავისუფლებას უტოვებდა.

ორგანიზაცია აცხადებს, რომ 2010-2011 წლებში პრეზიდენტის სარეზერვო ფონდიდან გამოყოფილ თანხებთან მიმართებაში მაღალია ე.წ. უცნობი ხარჯების წილი. 2010 წელს აღნიშნული თანხა 20,591,792 მილიონ ლარს შეადგენდა, რაც მთელი სარეზერვო ფონდის 38% იყო, ხოლო 2011 წელში იგივე ტიპის ხარჯები 16,571,714 მილიონი ლარი იყო, რაც ფონდის 34%-ა.

2010 წელს საქართველოს პრეზიდენტის სარეზერვო ფონდიდან თანხების ყველაზე დიდი წილი - 12,890,824 ლარი კონცერტების, მუსიკალური კლიპებისა და სხვადასხვა სახის კულტურულ ღონისძიებების დასაფინანსებლად გამოიყო, ხოლო 2011 წელს ხარჯების დიდი ნაწილი - 8,080,164 ლარი საცურაო აუზების, ბულვარების, სტადიონების, პარკებისა და კოტეჯის მშენებლობისთვის იყო გათვალისწინებული.

2012 წლის პირველი ცხრა თვის განმავლობაში, პრეზიდენტის განკარგულებების საფუძველზე სარეზერვო ფონდიდან ბევრად მეტი თანხა გამოიყო, ვიდრე ეს საქართველოს ფინანსთა სამინისტროს მიერ მომზადებულ 2012 წლის სახელმწიფო ბიუჯეტის შესრულების ცხრა თვის ანგარიშშია ასახული. კერძოდ, 2012 წლის სახელმწიფო ბიუჯეტის შესულების ანგარიშის მიხედვით, პრეზიდენტის სარეზერვო ფონდიდან 40,984,000 ლარი გამოიყო, ხოლო საია-სთვის მოწოდებული განკარგულებების მიხედვით, აღნიშნული თანხა 44,612,057 ლარს შეადგენს.

საია-ს აღნიშნული ინფორმაცია 2010-2011 წლების პერიოდს სრულად და 2012 წლის პერიოდს, იანვრიდან სექტემბრის ჩათვლით მოიცავს.