,,როგორც ასეთი- საზოგადოებრივი მაუწყებელი საერთოდ არ არსებობს, რადგან ის არ აკმაყოფილებს საზოგადოებრივ ინტერესებს. მე მიმაჩნია, რომ ეს არის ნაციონალების ტელევიზია, ისევე როგორც რუსთავი 2. მე ვერ შევამჩნიე სამწუხაროდ ამ ტელევიზიას ის, რომ იგი არის დაბალანსებული, მართალია კვლევებმა აჩვენა ის, რომ იგი ობიექტურია, მაგრამ ცოტა უხეშად თუ ვიტყვი ამ კვლევებმა „ტვინი გამოგვილაყეს“. თუ ამ კვლევებს დავუჯერებთ, საქართველო აყვავებული ქვეყანაა, მაგრამ რაც არის სინამდვილეში ჩვენ ხომ ვიცით არა? მე მყავს ძალიან ბევრი მეგობარი საზღვარგარეთ რომელებიც ამბობენ, რომ აქ ყველაფერი კარგად არის და რეალურად ჩვენ ხომ კარგად ვიცით რა ხდება აქ, ჩვენ ხომ აქ ვცხოვრობთ?“-აცხადებს დოჩია და ის გია ჭანტურიას გადაწყვეტილებასაც ეხმიანება.

,,რთულია ვთქვა ის, რომ ჭანტურია ამ თანამდებობიდან ზეწოლის გამო გადადგა, უბრალოდ ის მიხვდა, რომ ყველა კითხვაზე მოუწევდა პასუხის გაცემა,ამ კითხვებში კი ფინანსურ დარღვევებს ვგულისხმობ. განცხადება იმიტომ შევიტანე, რომ ბედს ვცდი, ჩემი აზრით სამეურვეო საბჭო მეორე ტურში არ გადამიყვანს, იმიტომ, რომ მე არ ვარ ნაციონალური მოძრაობის წევრი, არ ვარ თავისუფლების ინსტიტუტის წევრი და მათი საქმიანობის მომხრე. შესაძლებელია მე ქართული ოცნების მხარდამჭერად დამასახელონ მაგრამ მინდა ყველას გასაგონად ვთქვა ის, რომ მე არ ვარ არცერთი პარტიის წევრი. მიუხედავად იმისა რომ მე ვარ პრესის ჯურნალისტი ეს არ ნიშნავს იმას რომ არ ვიცნობ ტელევიზიას, მე 2007 წელს შვეციაში გავიარე ჟურნალიისტიკის უმაღლესი კურსები, იქ ვისწავლე არა მარტო ის, თუ როგორ უნდა ვიმუშაო პრესაში არამედ შევისწავლე ის პრინციპები რომლითაც ტელევიზიაში მუშაობენ, ასევე ვკითხულობდი არასამთავრებო ორგანიზაციებში ჟურნალისტიკის კურსება და თეორიულ დონეზე ვერკვევი ამ საკითხებში. ბრძოლას ყოველთვის აქვს აზრი და სწორედ ამიტომ შევიტანე განცხადება და რაც შეეხება თავად ტელევიზიას როგორც ბატონი ჭანტურია აცხადებდა, რომ ეს უნდა ყოფილიყო ქართული BBC, რაც ჩვენ სახეზე გვქონდა საზოგადოებრივი მაუწყებლის სახით პაროდიაც კი არ ყოფილა იმ ცნობილი ტელეარხისა, რომელიც ყველამ კარგად ვიცით, მაგრამ შესალებელია თეორიულად ის დავამსგავსოთ. იმ შემთხვევში თუ მე სერიოზულად მომეკიდება ბორდი და გადამიყვანს მეორე ტურში და ამ თანამდებობაზე დავინიშნები არ განვახორციელებ ძირეულ ცვლილებებს, ვგულისხმობ იმას, რომ არ გავათავისუფლებ ჟურნალისტებს „- აცხადებს ფრიდონ დოჩია.