,,ეს მხარდაჭერა იმისთვის სჭირდება, რათა მომავალში დასაყრდენი ჰქონდეს და ტელევიზიისთვის საჭირბოროტო და აუცილებელი საკითხები ერთობლივად გადაიჭრას. თუ ეს მხარდაჭერა არ ვიგრძენი, განაცხადს არ შევიტან, განაცხადს მხოლოდ თანამდებობისთვის ბრძოლის გამო არ შევიტან. ჯერჯერობით საზოგადოების მხრიდან გარკვეულ მხარდაჭერას ვხედავ, სხვა მხრივ არა", - აცხადებს არეშიძე.

არეშიძე მიიჩნევს, რომ ტელევიზიის ფუნქცია მხოლოდ ინფორმირება არ არის, არამდე მან საზოგადოებას ფიქრისკენ უნდა უბიძგოს.

,,ბორდი უნდა ყოფილიყო დაკომპლექტებული საზოგადოებისთვის ცნობილი ადამიანებით, ვისაც პასუხს მოსთხოვდნენ, დღეს ის ასეთი ადამიანებით არ არის დაკომპლექტებული, როგორც ჩანს, მის წესდებაში ბევრი რამ შეიცვალა და ბორდი გახდა უაღრესად პოლიტიზებული. ბორდს პოლიტიკა კი არ უნდა ეკეთებინა, თვალყური უნდა ედევნებინა, რომ საზოგადოების ინტერესი ყოფილიყო დაცული. ამ თვალსაზრისით, ბევრი კითხვის ნიშანი ჩნდება. საზოგადოების მხარდაჭერა იმიტომ იყო ჩემთვის მნიშვნელოვანი, რომ ბორდის პოლიტიზირება გადაგველახა", - განაცხადა არეშიძემ და დასძინა, რომ საზოგადოებრივ მაუწყებელს ბევრი ცვლილება სჭირდება.