„ეს არის საპასუხო აგრესია საქართველოს მხრიდან ასოცირების ხელშეკრულებაზე ხელმოწერის პასუხად. ეს არის კიდევ ერთი ვანდალური აქტი რუსეთის მხრიდან 21-ე საუკუნეში. ეს არის შემდგომი სადამსჯელო ოპერაცია რუსეთის მხრიდან. ეს არის უდიდესი ტრაგედია საქართველოსთვის, ეს არის დე-ფაქტო სიტუაციის დე-იურედ აღიარება რუსეთის მხრიდან. მეორეს მხრივ, მსოფლიო დაინახავს, რომ მათ კომფორტზე, კუჭზე და გაზზე არ გადის მათი უსაფრთხოება. ასეთი რუსეთი ნებისმიერი ევროპის ქვეყნისთვის ღია საშიშროებას წარმოადგენს. არც ნატო-ს და არც ევროკავშირში შემავალმა პატარა ქვეყნებმა არ იფიქრონ, რომ მათ ნატოს ან ევროკავშირის ზურგი დაიცავთ. ამ შემთხვევაში ევროპის ქვეყნები განაჩენს უწერენ საკუთარ თავს, როდესაც ფიქრობენ, რომ რუსეთის მხრიდან საქართველოს და უკრაინის ტერიტორიების მიტაცება მათ არ შეეხებათ“, - აღნიშნა ლაგაძიძემ.

მისი თქმით, რეფერენდუმის ჩატარება არის პირდაპირი ანალოგი ყირიმის სცენარის. ამის მაგალითად ლაგაზიძემ რუსეთის პრეზიდენტის თანაშემწის განცხადება მოიყვანა, სადაც სურკოვი რუსეთის და სამხრეთ ოსეთის დაახლოების დაჩქარებაზე საუბრობს.

„ეს არის ანალოგი ყირიმის სცენარის. სურკოვმა დღეს თქვა, რომ რუსეთმა და სამხრეთ ოსეთმა უნდა დააჩქაროს დაახლოების მიზნით კონკრეტული ნაბიჯების გადადგმა. ის არის რუსეთის იმპეიალისტური პოლიტიკის ერთ-ერთ სულისჩამდგმელი პუტინის კარზე. ეს არის რუსეთის გარშემო დაპყრობილი მიწების შემომკრები ფიგურა, რაც სამწუხაროდ ნიშნავს სამხრეთ ოსეთის ბედიც გადაწყვეტილია“, - განაცხადა ლაგაზიძემ.

ექსპერტი მიიჩნევს, რომ ამ შემთვევაში საქართველოს ხელისუფლებას აღნიშნულ პრობლემაზე დასავლელ კოლეგებთან ხმამაღლა საუბარი არ გამოადგებათ, რადგან ეს რუსეთის გაღიზიანებას გამოიწვევს.

„დასავლელ კოლეგებთან მაღალ ხმაზე გამოიწვევს რუსეთის შემდგომ გააგრესიულებას. დღეს საქართველოს ხელისუფლების მთავარი პრობლემაა შეინარჩუნოს სახელმწიფო ტერიტორიული მთლიანობა იმ ფარგლებში მაინც, რა ფარგლებიც საქართველოს დე-ფაქტო აქვს. ეს არანაკლებ რთული ამოცანაა“, - განაცხადა ლაგაზიძემ.