ერაყის საემიგრაციო სამსახურის მიერ დაკავებული საქართველოს მოქალაქეები დახმარებას ითხოვენ. უკვე სამი კვირაა რაც ისინი ბაღდადის პოლიციაში იმყოფებიან.

მათ საემიგრაციო სამსახური სავიზო დოკუმენტაციის დარღვევას ედავება. დაკავებული ქართველების ოჯახები საგარეო საქმეთა სამინისტროს თხოვნით მიმართავენ, რომ ჩაერიონ და სთხოვონ საქართველოს დიპლომატიურ მისიას ადგილზე გაერკვნენ ვითარებაში.