გუშინ ღამით წყნეთში 24 წლის ნ.ნ. დაჭრეს. ურთიერთშელაპარაკებისას 24 წლის მამაკაცს ცეცხლსასროლი იარაღიდან 14 ტყვია ესროლეს. ახალგაზრდის ჯანმრთელობის მდგომარეობა უმძიმესია.

დაჭრაში ბრალდებულის ვინაობა უკვე ცნობილია. იგი ნ.ნ-ს ბავშვობის მეგობარია. არსებული ინფორმაციით, ბრალდებულს პოლიცია უკვე ეძებს.

შინაგან საქმეთა სამინისტროში მომხდარ ფაქტზე ამ ეტაპზე, არაფერს ამბობენ, გარდა იმისა, რომ გამოძიებაა დაწყებული.

ერთ-ერთი ვერსიით, 24 წლის ნ.ნ. - სა და მისი ბავშვობის მეგობარს შორის შელაპარაკება გოგოს გამო მოხდა. ასევე, ამბობენ, რომ ცეცხლსასროლი იარაღი მეგობარმა მეგობარს სიტყვიერი ჩხუბის შემდეგ დაუმიზნა.

24 წლის ახალგაზრდა მამაკაცი უმძიმეს მდგომარეობაში წყნეთიდან სასწრაფო -სამედიცინო დახმარების ბრიგადამ გადაიყვანა. მას ურთულესი ოპერაცია ჩაუტარდა და რეანიმაციულ განყოფილებაში იმყოფება.

ექიმების განცხადებით, დაჭრილის მდგომარეობა ამჟამად, სტაბილურად მძიმეა. ექიმები ვერაფერს ამბობენ დაჭრილის სამომავლო მდგომარეობაზე.

წყარო: ambebi.ge