ევროკავშირის საგარეო საქმეთა მინისტრების გადაწყვეტილებით, ყირიმიდან ევროკავშირის ქვეყნებში პროდუქციის იმპორტი აიკრძალება. ამის შესახებ ლიტვის საგარეო საქმეთა მინისტრმა, ლინას ლინკევიჩუსმა განაცხადა.

"ჯერ საუბარია იმპორტზე. ჩვენ მივიღეთ პრინციპული პოზიცია: ეს შეეხება პროდუქციის იმპორტს ყირიმის ტერიტორიიდან ევროკავშირში", - განაცხადა ლინკევიჩუსმა.

მისი თქმით, ამ ქმედებას სხვა ღონისძიებებიც მოჰყვება. კერძოდ, ეს იქნება ევროკავშირის პოლიტიკის დაფიქსირება, რუსეთის მიერ ყირიმის მიერთების მიუღებლობასთან დაკავშირებით.