მებაჟე ოფიცრებმა, საბაჟო გამშვები პუნქტის, „სადახლო-საავტომობილოს“, ტერიტორიაზე სომხეთის მოქალაქე ნ.მ.-ის ბარგისა და ავტომანქანის დათვალიერებისას დაახლოებით 6,16 გრ. მარიხუანა აღმოაჩინეს.

შემოსავლების სამსახურის ინფორმაციით, საქმე შემდგომი რეაგირებისათვის გადაეცა შსს-ის მარნეულის რაიონული სამმართველოს სადახლოს განყოფილებას.

ნარკოტიკული ნივთიერების შემცველი მედიკამენტი შემოიტანა 20 ივნისს საბაჟო გამშვები პუნქტის, „ყაზბეგის“, ტერიტორიაზე რუსეთის მხრიდან შემოსულმა რუსეთის მოქალაქე გ.ა.-მ. შემოსავლების სამსახურის თანამშრომლებმა მისი ბარგისა და ხელბარგის დათვალიერებისას 9 აბი “ტრამადოლი” აღმოაჩინეს.

საქმე შემდგომი რეაგირებისათვის გადაეცა შსს საპატრულო პოლიციის დეპარტამენტის მცხეთა-მთიანეთის მთავარ სამმართველოს.

22 ივნისს, საბაჟო გამშვები პუნქტის „ვალეს“ ტერიტორიაზე თურქეთის მხრიდან შემოვიდა საქართველოს მოქალაქე ნ.მ., რომელსაც ბარგისა და ხელბარგის დათვალიერებისას აღმოაჩნდა ფსიქოტროპული მედიკამენტი გრიპამოლი 25 - აბი.

საქმე შემდგომი რიაგირებისთვის გადაეცა შსს საპატრულო პოლიციის სამცხე-ჯავახეთის მთავარი სამმართველოს საგამოძიებო განყოფილებას