რუსმა ტერორისტებმა უკრაინელ სამხედროებზე თავდასხმის ბრძანება გასცეს

მსოფლიო - 19:30, 22 Jun, 2014

2597

დონეცკელი ტერორისტები არ ცნობენ სამშვიდობო პროცესს, რომელიც უკრაინის პრეზიდენტმა პეტრო პოროშენკომ მათ შესთავაზა. შესაბამის განცხადებას ხელი მოაწერა ერთ-ერთმა ბოევიკმა იგორ გირკინმა, რომელიც ცნობილია მეტსახელად ,,სტრელკოვი“ და არის რუსეთის ფედერაციის სამხედრო დაზვერვის ოფიცერი.

მან ეს განცხადება, დღეს, ,,ფეისბუქის“ საკუთარ გვერდზე განათავსა.

უკრაინელების მიერ გამოცხადებული სამშვიდობო პროცესი, რომელიც ჩვენთან შეთანხმებული არ არის, ჩვენს მიერ არ არის მიღებული, - ნათქვამია განცხადებაში. იქვე ხაზგასმულია, რომ კვირას გამთენიისას საზენიტო დანადგარებიდან და ნაღმტყორცნებიდან დაბომბეს უკრაინული პოზიციები ჩრდილოეთში კარაჩუნის ფერდობზე. განადგურებულია ერთი ნაღმტყორცნი და ერი ტყვიამფქრვევი. მოწინააღმდეგეს ცეცხლისთვის არ უპასუხია, - ნათქვამია ტერორისტის შეტყობინებაში.

ვრცელდება ინფორმაცია, რომ რუსმა ტერორისტებმა აგრეთვე შეუტიეს უკრაინელ სამხედროებს ოქტომბრის რაიონი, კონსტანტინოვკის დასავლეთით. დაღუპულია 3 და დაჭრილია 15 უკრაინელი სამხედრო.

როგორც ცნობილია, 20 ივნისს პრეზიდენტმა პოროშენკომ გასცა ბრძანება ცეცხლის ეწყვეტის ესახებ. 20 ივნისის 22:00 საათიდან 27 ივნისის 10:00 საათამდე უკრაინელი სამხედროები ცეცხლს არ გახსნიან.