დღეს შედეგები ინსტიტუტის წარმომადგენელმა საქართველოში, ლუის ნავარომ გააცნო საზოგადოებას. ეროვნულ-დემოკრატიული ინსტიტუტის (NDI) თანახმად, გამოკითხული მოსახლეობის 80%-ს პრემიერ-მინისტრი ბიძინა ივანიშვილი მოსწონს, 29%-ს კი პრეზიდენტი მიხეილ სააკაშვილი.

კვლევის მიხედვით, რომლის პრეზენტაციაც დღეს NDI-ის ქართული ოფისის ხელმძღვანელმა ლუის ნავარომ გააკეთა, პარლამენტის თავმჯდომარე დავით უსუფაშვილი მოსახლეობის 63%-ს მოსწონს, ეკა ბესელია 61%-ს, თინა ხიდაშელი 61%-ს, ზვიად ძიძიგური 60%, კობა დავითაშვილი კი - 53%-ს.

კითხვაზე, ,,მოგწონთ თუ არა აღნიშნული პოლიტიკოსები", გამოკითხულთა 42% აცხადებს, რომ დავით ბაქრაძე მოსწონს, ასევე 42 %-ს მოსწონს გუბაზ სანიკიძე, გიგი უგულავა მოსწონს 29%-ს და კობა დავითაშვილი 53%-ს.

NDI-ის კვლევის თანახმად, ,,სრულიად საქართველოს კათოლიკოს-პატრიარქი, მცხეთა-თბილისის მთავარ ეპისკოპოსი, ბიჭვინთისა და ცხუმ-აფხაზეთის მიტროპოლიტი უწმინდესი და უნეტარესი ილია მეორე გამოკითხულთა 93%-ს მოსწონს.

კითხვაზე, ,,ეთანხმებით თუ არა შემდეგი მინისტრების დანიშვნას", პროცენტული მაჩვენებლები შემდეგნაირად გადანაწილდა - ირაკლი ალასანიას თადაცვის მინისტრად დანიშვნას გამოკითხულთა 72% ეთახმება, თეა წულუკიანის - 70%, სოზარ სუბარის - 66%, მაია ფანჯიკიძის - 66%, ირაკლი ღარიბაშვილის 63%, ნოდარ ხადურის - 59%, ლევან ყიფიანის - 57%, დავით სერგეენკოს - 53%, გიორგი მარგველაშვილის ასევე 53%, გურამ ოდიშარიას - 52%, კახა კალაძის - 52%, დავით კირვალიძის - 51%, პაატა ზაქარეიშვილის - 48%, გიორგი კვირიკაშვილის - 47%, დავით ნარმანიას - 44%, ალექსი პეტრიაშვილის - 44%, დავით დარახველიძის 43%, ხათუნა გოგალაძის - 43%, დასაქმების მინისტრის კახა საკანდელიძის - 43%, კოტე სურგულაძის - 42%.

NDI-ის კვლევის თანახმად, გამოკითული მოსახლეობის 70% ფიქრობს, რომ სოფლის მეურნეობის საკითხების მოგვარებას ,,ქართული ოცნება" შეძლებს, ხოლო 5% ფიქრობს, რომ ამ საკითხებს ,,ნაციონალური მოძრაობა" მოაგვარებს.

ამასთან, გამოკითხულთა 68% მიიჩნევს, რომ პენსიების საკითხების მოგვარებას ,,ქართული ოცნება" შეძლებს, 7% კი ფიქრობს, რომ ამ საკითხს ,,ნაციონალური მოძრაობა" მოაგვარებს.

გამოკითხულთა 68% ფიქრობს, რომ ჯადაცვის საკითხებს ,,ქართული ოცნება" მოაგვარებს, ხოლო 7% ფიქრობს, რომ ამ საკითხის მოგვარებას "ნაციონალური მოძრაობა" შეძლებს.