ავსტრალიამ რუსეთის წინააღმდეგ ახალი სანქციები დააწესა. სიაში 11 კომპანია და 50 პირი მოხვდა, ვისაც ქვეყანა უკრაინის კრიზისში დამნაშავედ მიიჩნევს.

სიაში არიან: ფედერაციის საბჭოს სპიკერი ვალენტინა მატვიენკო, რუსეთის პრეზიდენტის მრჩეველი სერგეი გლაზიევი, სახელმწიფო სათათბიროს ერთ-ერთი კომიტეტის თავმჯდომარე ელენა მიზულინა, ფედერაციის საბჭოს კომიტეტის თავმჯდომარე სერგეი კლიშასი, ვიცე-პრემიერი დიმიტრი როგოზინი, რუსეთის პრეზიდენტის თანაშემწე ვლადისლავ სურკოვი, ყირიმის ე.წ. მთავრობის მეთაური სერგეი აქსიონოვი, ყირიმის ე.წ. პარლამენტის თავმჯდომარე ვლადიმერ კონსტანტინოვი, ბიზნესმენები არკადი და ბორის როტენბერგები, გენადი ტიმჩენკო, პრეზიდენტის ადმინისტრაციის ხელმძღვანელის პირველი მოადგილ ვიაჩესლავ ვოლოდინი, რუსეთის რკინიგზის ხელმძღვანელი ვლადიმერ იაკუნინი, რუსეთის მთავრობის მეთაურის მოადგილე დიმიტრი კოზაკი, სახელმწიფო სათათბიროს სპიკერი სერგეი ნარიშკინი, ასევე “სახალხო რესპუბლიკების” ლიდერები იგორ გირკინი, დენის პუშილინი და ვიაჩესლავ პონომარიოვი.

ასევე, სიაში არიან - 11 რუსული კომპანია, მათ შორის, ბანკები - “Россия”, “СМП-банк”, “Инвесткапиталбанк”, ასევე - "Стройтрансгаз", "Черноморнефтегаз" და "Стройгазмонтаж".