ქართველი ადამიანი ცხოვრობს დროის გარეშე, მაშინ როცა დროს აქვს უდიდესი მნიშვნელობა

საზოგადოება - 14:09, 16 Dec, 2012

779

ადამიანისა და დროის ურთიერთდამოკიდებულებაზე ისაუბრა და ერს მიმართა, რომ დრო არის უძვირფასესი, რომელიც უფალმა ადამიანს მისცა და ადამიანმა უნდა შეეცადოს რომ ყველაფერი მოასწროს თავის განკუთვნილ დროში და შეეცადოს ის მაქსიმალურად გამოიყენოს.

პატრიარქმა თავის ქადაგებაში ჯარისკაცებში განათლების და ინტელექტის აუცილებლობაზე უსაუბრდა, უწმინდესმა თავდაცვის სამინისტროს ხელმძღვანელობას კარში განათლების დანერვისკენ მოუწოდა, ,,ჩვენი ჯარი უნდა იყოს არამხოლოდ მცოდნე ომისა და ბრძოლისა, არამედ მოაზროვნე და ინტელექტუალური’’-ბრძანა მისმა უწმინდესობამ.

"მე მინდა, ორიოდე სიტყვით გესაუბროთ იმის შესახებ, თუ რა ურთიერთდამოკიდებულებაა ადამიანსა და დროს შორის. ქართველი ადამიანი ცხოვრობს დროის გარეშე, მაშინ როდესაც დროს აქვს უდიდესი მნიშვნელობა. ეს არის უძვირფასესი, რაც უფალმა მოგვცა. ადამიანმა ყველაფერი უნდა მოასწროს მისთვის განკუთვნილ დროში. ძველ რომაელებს უთქვამთ: “დრონი იცვლებიან და ჩვენც ვიცვლებით დროსთან ერთად". რას ნიშნავს ეს?! საით მიდის ადამიანი?! კაცობრიობა?! ეკლესია?! რას ვაკეთებთ და რა უნდა გავაკეთოთ?! როგორ უნდა გამოვიყენოთ ეს დრო?! ვფიქრობ, რომ ჩვენ ზედმეტად თავისუფალი ადამიანები ვართ და არ გვესმის, რაოდენ ძვირფასია დრო. აქ არიან ჩვენი ჯარისკაცები. მე მინდა, თქვენ იფიქროთ იმის შესახებ, თუ დრო რომელსაც გაატარებთ სამხედრო დაწესებულებებში, რას მოგიტანთ, რას შეიძენთ. იმედი მაქვს, ჩვენ ვიფიქრებთ, თუ რას ნიშნავს დრო ჩვენს ცხოვრებაში და მივალთ იმ დასკვნამდე, რომ დრო, რომელიც განკუთვნილია ჩვენთვის, მაქსიმალურად გამოვიყენოთ. ადამიანმა უნდა იჩქაროს კეთილი საქმეების კეთება. უნდა დავეხმაროთ გაჭირვებულ ადამიანებს, გავუნაწილოთ მათ ჩვენი პური და თუ ეს არ შეგვიძლია, სიტყვით მაინც ვანუგეშოთ. დაე, ამ იმედმა გადაარჩინოს საქართველო".

"თქვენ უნდა გახსოვდეთ, რომ თქვენი პირველი მეგობარი უნდა იყოს არა რადიო, ტელევიზია და ინტერნეტი, არამედ წიგნი. წიგნები უნდა იკითხოთ და ეს წიგნები გაგამდიდრებთ. მოგცემთ უნარს, განსაზღვროთ, სად არის კეთილი და სად ბოროტი. აქ არიან ჯარისკაცვები, მე მინდა, ვთხოვო ხელმძღვანელობას და მინისტრს, უპირველეს ყოვლისა, რომელიც თვითონ ინტელექტუალური, განათლებული ადამიანია, დანერგოს ეს ჯარში. ჩვენი ჯარი უნდა იყოს არამხოლოდ მცოდნე ომისა და ბრძოლისა, არამედ მოაზროვნე და ინტელექტუალური", - ბრძანა პატრიარქმა.