შს თანამშრომლების ჩხუბის ფაქტზე გენერალურმა ინსპექციამ მოკვლევა დაიწყო. ამის შესახებ „ნიუპოსტს“ შინაგან საქმეთა სამინისტროში განუცხადეს.

აღნიშნულ ფაქტზე დამატებითი დეტალები მოგვიანებით გახდება ცნობილი.

ცოტა ხნის წინ, ტელეკომპანია "ტაბულა" შინაგან საქმეთა სამინისტროს თანამშრომლების ჩხუბის ამსახველ ვიდეო გაავრცელა. ინციდენტს ტელევიზიის გადამღები ჯგუფი მტკვრის მარჯვენა სანაპიროზე შემთხვევით შეესწრო.

"გადამღებ ჯგუფს მათ მოსთხოვეს, არ გადაეღოთ, რადგან "ჩვენ გვაქვს მეგობრული საუბარი",- წერს "ტაბულა".

ჩხუბის კადრებში პოლიციის მაიორი რამაზ კაკალაშვილი, ასევე, პირები - გივი გამეზარდაშვილი, გიორგი აფციაური, ირაკლი დარახველიძე ჩანან.