ალერგიით ყოველი მესამე ადამიანია დაავადებული

ჯანმრთელობა - 10:33, 18 Jun, 2014

6614

ალერგია - 21–საუკუნის ერთ–ერთი ფართოდ გავრცელებული სენია. მისი გავრცელების სიხშირე დღითიდღე მატულობს, ალერგია შეიძლება გამოიწვიოს საკვებმა, ცხოველის ბეწვმა, ჰიგიენურმა საშუალებებმა, მცენარეებმა და სხვა მრავალმა ფაქტორმა. ასევე საყურადღებოა გენეტიკური ფაქტორიც.

სამწუხაროდ, საქართველოში ალერგიის გავრცელების სარწმუნო სტატისტიკა არ არსებობს. ალერგია გამოვლინდება ალერგიული დაავადების სიმპტომების სახით. ყველაზე ხშირად გვხვდება რესპირატორული ანუ სასუნთქი გზების, ალერგიული დერმატოზების, ენტეროპათიისა და ანაფილაქსიური შოკის სახით.

დღეს ალერგიით დაავადებულია თითქმის ყოველი მესამე ადამიანი.

ალერგიის ძირითადი სიმპტომები

სურდო;
ცრემლდენა;
ცხვირის, თვალების, სასის ქავილი;
ცემინება;
ცხვირის დაცობა;
ცხვირში ზეწოლის შეგრძნება;
ყურების დახშობა;
თვალების ქვემოთ მუქი რკალები;
კანზე გამონაყარი;

გამღიზიანებელ ნივთიერებებს, რომლებიც იწვევენ ორგანიზმის უჩვეულო რეაქციას, ალერგენებს უწოდებენ.

ძირითად ალერგენებს წარმოადგენენ:

მცენარეების მტვერი;
დანესტიანებულ ადგილებში განვითარებული ობი და შმორი (მიკროსკოპული სოკოები);
ცხოველების ბეწვი;
საყოფაცხოვრებო მტვერი;
სხვადასხვა საკვები პროდუქტები (თხილი, არაქისი, ნიგოზი, თაფლი, შოკოლადი და ა.შ.)

ყოველი ცალკეული ალერგენი შეიძლება გახდეს მთელი რიგი სიმპტომების გამომწვევი: მაგ. მცენარის მტვერი შეიძლება გახდეს არამარტო რინოკონიუქტივიტის, არამედ ბრონქოსპაზმისა და ჭინჭრის ციების მიზეზი. უმრავლესობა ალერგიული ადამიანებისა ასევე რეაგირებენ ალერგენების მთელ სპექტრზე.

ჰამბურგის ლაბორატორია გთავაზობთ უახლეს კვლევას - ალერგიულ პანელს იმუნოკაპის მეთოდით, რაც გამოირიცხავს ალერგიულ რისკებს.

გისურვებთ ჯანმრთელობას.