ჩეჩნეთის ლიდერი რამზან კადიროვი უკრაინის საგარეო საქმეთა მინისტრს ანდრეი დეშიცას რუსეთის პრეზიდენტის მისამართით გაკეთებული უცენზურო გამონათქვამების გამო დაჩოქებით დაემუქრა. ამის შესახებ რამზან კადიროვმა "ინსტაგრამზე" დაწერა.

"ვლადიმერ პუტინი ჩვენი ნაციონალური ლიდერია, ჩვენი პრეზიდენტი, უმაღლესი მთავარსარდალი. დარწმუნებული ბრძანდებოდეთ, არიან ადამიანები, ვინც არა მხოლოდ მისი მისამართით საჯაროდ გაკეთებული განცხადებებით ინტერესდებიან, არამედ იმითაც, რომ მუხლებზე დაჩოქილმა დეშიცამ ბოდიში არ მოიხადა. თუ დეშიცა თვითონ ვერ მიხვდა ამას, მაშინ მიანიშნებენ", - წერს კადიროვი.

კიევში, რუსეთის საელჩოსთან შეკრებილ დემონსტრანტებთან მისულმა უკრაინის საგარეო საქმეთა მინისტრმა რუსეთის პრეზიდენტი უცენზურო სიტყვებით მოიხსენია.