ვანო მერაბიშვილის ბიძა იზოლატორში მოათავსეს

სამართალი - 19:56, 15 Dec, 2012

566

ხე ბუჩქნარის უკანონოდ გაჩეხვისა და ყალბი საგადასახადო დოკუმენტების დამზადება გამოყენების ფაქტებზე დააკავეს შპს „ტაო" - ს ხელმძღვანელი ლევან თუმანიშვილი.

ამასთან, ცნობილია ის ფაქტიც, რომ ლევან თუმანიშვილი ყოფილი პრემიერის ვანო მერაბიშვლის ბიძაა, რომელსაც ასევე ადასტურებს საქართველოს ფინანსთა სამინისტროს საგამოძიებო სამსახური, თუმცა თუმანიშვილის მიმართ პოლიტიკური მოტივებით მოქმედებას კატეგორიულად გამორიცხავს.

შპს "ტაოს" ხელმძღვანელი ლევან თუმანიშვილი ახალციხის პოლიციის წინასწარი დაკავების იზოლატორში იმყოფება.

დაკავებიდოს ფაქტთან დაკავშირებით ფინანსთა სამინისტროს საგამოძებო სამსახურმა ოფიცალურად განცხადებას გაავრცელა,

გამოძიებით დადგინდა, რომ ლ. თუმანიშვილის უშუალო ხელმძღვანელობით საწარმოს თანამშრომლები სამცხე ჯავახეთის ტყის უბნებში უკანონოდ ჭრიდნენ ხე ტყეს და მწვანე ნარგავებს, რის შემდეგაც, მოპოვებული ხე მასალა მიჰქონდათ აღნიშნული პირის კუთვნილ გადამამუშავებელ საამქროში. ამ კანონსაწინააღმდეგო ქმედებით გარემოსთვის მიყენებული ზიანის ოდენობა 150 000 ლარით განისაზღვრა.

გამოძიებით ასევე დადგენილია, რომ ლ.თუმანიშვილი მოპოვებული სამასალე მერქნის რეალიზაციის დროს, ყალბი საგადასახადო დოკუმენტების დამზადების გზით, სისტემატურად ზრდიდა მიღებული შემოსავლების ხარჯებს, რითაც თავს არიდებდა სახელმწიფო ბიუჯეტში გადასახადების გადახდას.

მიმდინარეობს გამოძიება სისხლის სამართლის კოდექსის 303 - მუხლის პირველი ნაწილით და 210 - ე მუხლის მეორე ნაწილით.

თუმანიშვილის ადვიკატი მამუკა მდინარაძე ხვალ ჩავა ახალციხეში და შეეცდება დააზუსტოს სამქესთან დაკავშირებული დეტალები, მისივე განცხადებით თუმანიშვილის მიმართ წაყენებულ ბრალდებასთან დაკავშირებით საკმაოდ ბევრი დეტალი გაურკვეველია.

ლევან თუმანიშვილის დაკავებას გამოეხმაურა სატყეო დეპარტამენტის ყოფილი უფროსი ბიძინა გიორგობიანი, რომელიც ლოგიკურს უწოდებს ლევან თმანიშვილის დაკავებას და აღნიშნავს, რომ სწორედ თუმანიშვილის მეშეობით, საბაჟოსთან კორუფციული გარიგებით ხდებოდა უკანონოდ მოჭრილი ხე-ტყის სომხეთში გატანა, და ამას ადგილო ჰქონდა, ჯერ კიდევ 90-იანი წლებიდან მოყოლებვული.