ჟურნალისტებს მონიტორინგის ჯგუფის წევრს ლევან ტერაშვილმა მისი წამების ფაქტებზეც მიაწოდა ინფორმაცია. ჭკადუას მტკიცებიტ, ლევან და კახა ტერაშვილები და დავით შიუკაშვილი შიმშილობას 21 დეკემბრამდე - წლის ბოლო სასესიო კვირამდე გააგრძელებენ, შემდეგ კი დასახმარებლად საერთაშორისო უფლებადამცველ ორგანიზაციებს და დიპლომატიურ მისიებს მიმართავენ.


,,ტერაშვილები და შიუკაშვილი ითხოვენ დასაბუთებულ ახსნას, რატომ ამოიღეს მათი გვარები პოლიტპატიმართა სიიდან 5 დეკემბრის წინა დღეს, ან რატომ მოხვდა ამ სიაში ერთსა და იმავე საქმეზე ბრალდებულებიდან ნაწილი. თუ ეს მართლა ტექნიკური ხარვეზი იყო, რასაც ადამიანის უფლებათა დაცვის საპარლამენტო კომიტეტში აცხადებენ, მაშინ რატომ არ სწორდება. მოშიმშილეებს ეჭვი აქვთ, ხომ არ ასრულებს კომიტეტი გარკვეულ დაკვეთას.
ტერაშვილის თქმით, მას რობერტ გრიგალაშვილი აიძულებდა ყალბი ჩვენება მიეცა, წინააღმდეგ შემთხვევაში, ოჯახის წევრების და მეგობრების დაჭერით ემუქრებოდა. შენ და შენს ძმას 16-16 წელს მოგისჯით ისე, რომ არც უდო და არც ამინისტია არ შეგეხებათო. გრიგალაშვილი იმასაც აღნიშნავდა, რომ "ადეიშვილის სახელით გელაპარაკები და ეს მისი გადაწყვეტილება არისო". ამასთან, ტერაშვილი "მწამებელთა" უკვე გახმაურებულ გვარებსაც ასახელებს, კერძოდ, მუხაძე, ყაჭეიშვილი, ფაცაცია, ჯანჯღავა, გოგა ბუთლიაშვილი. ამასთან, ლევან ტერაშვილის თქმით, მას კუდი-ს თანამშრომლები აიძულებდნენ, რომ სოზარ სუბარისთვის დაედო ხელი და ეთქვა, რომ სუბარმა იცოდა ვითომდა დაგეგმილი გადატრიალების შესახებ, ხოლო მას შემდეგ, რაც გაიგეს, რომ იმ დროს სუბარი ევროპის ადამიანის უფლებათა უმაღლესი კომისრის მრჩეველი იყო, ეს ვარიანტი გამორიცხეს და ახლა ტერაშვილს ეროსი კიწმარიშვილზე თხოვდნენ ეთქვა, რომ ამ ოპერაციას კიწმარიშვილი აფინანსებდა", - აცხადესბ ჭკადუა.

შეგახსენებთ, რომ  თავდაცვის ყოფილ მინისტრ ირაკლი ოქრუაშვილთან ერთად  ლევან ტერაშვილი, კახა ტერაშვილი და დავით შიუკაშვილი ე.წ. ,,ზილის საქმეზე" არიან დაკავებული.