დავიცვათ ბავშვები ნაწლავური ინფექციებისგან

ჯანმრთელობა - 18:36, 16 Jun, 2014

1872

ზაფხულის დადგომასთან ერთად გრიპს და გაციებას თითქოს შეთანხმებულივით ცვლის ნაწლავური ინფექციები.

ფაღარათი განსაკუთრებით ხშირად გვხვდება ბავშვებში ფეხის ადგმის პერიოდში 6 თვიდან 2 წლამდე

დიარეას, ანუ ფაღარათს ხალხში არასწორად “კუჭის აშლას” უწოდებენ. სინამდვილეში იგი ნაწლავების მოქმედების "აშლაა" (დარღვევაა).

ფაღარათის (დიარეას) ძირითადი ნიშნებია

მოვლითი ხასიათის ტკივილი მუცელში;
მუცლის შებერვა;
ნაწლავების მოქმედების ხშირი, ძნელად მოსათმენი მოთხოვნილება.
ცხელება;
ლორწოიანი, ჩირქიანი და/ან სისხლიანი განავალი;
გულისრევა, ღებინება.

ფაღარათის მიზეზის დასადგენად ატარებენ კოპროლოგიურ და ბაქტერიოლოგიურ გამოკვლევას. მკურნალობა მიმართულია მიზეზების აღკვეთისაკენ, რომელმაც გამოიწვია ფაღარათი.

დიარეა შეიძლება იყოს მწვავე – 3 კვირაზე ნაკლები ხანგრძლივობის და ქრონიკული- 3 კვირაზე მეტი ხანგრძლივობის.

ფაღარათი და ენტერიტები ძალიან ხშირად გვხვდება ყოველდღიურ პრაქტიკაში. დიაგნოზის დადგენა სიმპტომატიკის საფუძველზე არც ისე რთულია, მაგრამ დაავადების გამოწვევი მიზეზის დადგენა კი უმრავლეს შემთხვევაში ძნელად ხერხდება. ინფექციებთან ერთად დიარეის მიზეზი შეიძლება იყოს:

საკვების აუტანლობა,
მედიკამენტები,
ქრონიკული დაავადებები,
ჰიპერთირეოზი,
პანკრეასის უკმარისობა და ასე შემდეგ.

ზოგიერთი გამომწვევი იწვევს მწვავე და ხანმოკლე დიარეას, მაგრამ არსებობენ ბაქტერიები და პარაზიტები, რომლებიც ხანგრძლივ პრობლემებს იწვევენ.

ჰამბურგის ლაბორატორია გთავაზობთ PCR დიაგნოსტიკას, რომლის ჩასატარებლადაც საჭიროა დაახლოებით თხილისოდენა განავლის სინჯი ან 1 მლ თხელი განავალი. დღესდღეობით უკვე შესაძლებელი გახდა მხოლოდ ერთი ანალიზით ფაღარათის 12 ყველაზე ხშირი გამომწვევის დადგენა.

გისურვებთ ჯანმრთელობას