კბილის დაბჟენა ბურღის გარეშე! - გადატრიალება სტომატოლოგიაში

ჯანმრთელობა - 17:14, 16 Jun, 2014

24634

ერთ-ერთი ყველზე მძიმე ხმა, რომლის ატანაც ყოველ ჩვენგან წელიწადში ერთხელ მაინც უწევს სტომატოლოგთან ვიზიტის დროს.

მეთოდი, რომელიც ლონდონში მდებარე კოლეჯის - King's College London სპეციალისტებმა განავითარეს, გულისხმობს ბურღის გარეშე დაზიანებული კბილების მკურანლობას. ეს მნიშვნელოვანი ინოვაცია სტომატოლოგიაში სრულად დაგვავიწყებს ბურღს და მასთან დაკავშირებულ მძიმე მოგონებებს.

აღნიშნული მეთოდით, დაზიანებული კბილები თავისით აღდგება. ამ მოწინავე ტექნოლოგიით სტომატოლოგები 3 წელში მოგემსახურებიან.

როგორ იზრუნებენ პაციენტზე სტომატოლოგები? პროცედურაში ინექცია არ გამოიყენება, მას EAER უწოდეს. სტომატოლოგი დაზიანებულ კბილზე კალციუმისა და ფოსფატის მინერალებს განათავსებს. კბილის დაპლომბვა სრულიად უმტკივნეულო იქნება და მხოლოდ რამდენიმე წუთი დასჭირდება. პროცედურას 2 ფაზა ექნება: თავდაპირველად ემალის დაზიანებულ არეს ზედაპირულად დაამუშავებენ, ხოლო შემდეგ მინერალებს პაწაწინა ელექტრო ხელსაწყოთი ჩასვამენ.

პროფესორი ნაიჯენ პიტსი აღნიშნავს: ,,დამოკიდებულება, რომელიც ჩვენ დღეს კბილებთან გვაქვს, არ არის იდეალური. გარდა იმისა, რომ ჩვენი მოწყობილობა უფრო კეთილგანწყობილია პაციენტისათვის და უკეთესია კბილებისთვის, და ეს მოსალოდნელიც იყო, ასევე ის არის ეკონომიურად ეფექტური, როგორც მიმდინარე სტომატოლოგიური მკურნალობა“